قىرعىزستان پارلامەنتٸنٸڭ ەكٸ دەپۋتاتى - ەميل جامگىرچيەۆ پەن شىڭعىس ايداربەكوۆ قىرعىز-قازاق شەكاراسىنان ٶتكٸزٸلمەدٸ. بۇل تۋرالى 24.kg جازدى, - دەپ حابارلايدى Massaget.kz پورتالى.
دەپۋتاتتار قازاقستانعا جەكە شارۋالارىمەن كەلمەك بولعانى ناقتىلاندى. الايدا ولاردىڭ "اق-جول-اۆتوجول" باقىلاۋ-ٶتكٸزۋ بەكەتٸ ارقىلى ٶتۋٸنە رۇقسات بەرٸلمەگەن. كەيبٸر مەلٸمەت بويىنشا, ول جەرگە ارنايى قىزمەت ٶكٸلدەرٸ جەتٸپ, ەكەۋٸن دە ۇلتتىق قاۋٸپسٸزدٸك مەملەكەتتٸك كوميتەتٸنە الىپ كەتكەن.
24.kg اقپارات اگەنتتٸگٸنٸڭ مەلٸمەتٸنشە, كەمپٸر-اباد سۋ قويماسىن ٶزبەكستانعا بەرۋگە قارسى داۋىس بەرگەندەردٸڭ قاتارىندا ەميل جامگىرچيەۆ پەن شىڭعىس ايداربەكوۆ بار. ەكەۋٸ دە - "اليانس" فراكتسيياسىنىڭ مٷشەلەرٸ.
كەيٸن پارلامەنت دەپۋتاتى ەلۆيرا سۋرابالديەۆا Twitter پاراقشاسىندا ەميل جامگىرچيەۆتٸڭ ۇلتتىق قاۋٸپسٸزدٸك مەملەكەتتٸك كوميتەتٸنەن بوساتىلعانىن حابارلادى.
ونىڭ ايتۋىنشا, ەرٸپتەستەرٸ ەميل جامگىرچيەۆ پەن شىڭعىس ايداربەكوۆ قوردايداعى (قازاقستان) ٶتكٸزۋ بەكەتٸ ارقىلى جەرلەۋگە بارا جاتقان.
