Qyrǵyzstannan keletin import 2,5 ese ósken. Bul týraly QR Qarjy ministri Erulan Jamaýbaev Úkimet otyrysynda aitty, dep habarlaidy QazAqparat.
«Qytai Halyq Respýblikasymen shekarada ákimshilendirýdi kúsheitýge bailanysty Qytaidan Qyrǵyzstanǵa taýarlar importynyń aǵylýy baiqalady. Jyl basynan bastap Qyrǵyzstanǵa Qytai importynyń 5 ese ósýi, Qyrǵyzstannan Qazaqstanǵa importtyń 2,5 ese ósýi tirkeldi», - dedi ministr.
Aitýynsha, qazir Qytai Halyq Respýblikasymen shekarada 900-ge jýyq avtokólik, al ýaqytsha saqtaý qoimalarynda 1200-ge jýyq avtokólik ákimshilendirýdi jeńildetýdi kútip tur.
«Jyl basynan beri shekara mańyndaǵy beketter boiynsha kedendik tólemder men salyqtardyń túsimi 23%, al kólemi – 26% azaiǵan», - dedi Erulan Jamaýbaev.
