قىرعىزستاننان كەلەتٸن يمپورت 2,5 ەسە ٶسكەن. بۇل تۋرالى قر قارجى مينيسترٸ ەرۇلان جاماۋباەۆ ٷكٸمەت وتىرىسىندا ايتتى, دەپ حابارلايدى قازاقپارات.
«قىتاي حالىق رەسپۋبليكاسىمەن شەكارادا ەكٸمشٸلەندٸرۋدٸ كٷشەيتۋگە بايلانىستى قىتايدان قىرعىزستانعا تاۋارلار يمپورتىنىڭ اعىلۋى بايقالادى. جىل باسىنان باستاپ قىرعىزستانعا قىتاي يمپورتىنىڭ 5 ەسە ٶسۋٸ, قىرعىزستاننان قازاقستانعا يمپورتتىڭ 2,5 ەسە ٶسۋٸ تٸركەلدٸ», - دەدٸ مينيستر.
ايتۋىنشا, قازٸر قىتاي حالىق رەسپۋبليكاسىمەن شەكارادا 900-گە جۋىق اۆتوكٶلٸك, ال ۋاقىتشا ساقتاۋ قويمالارىندا 1200-گە جۋىق اۆتوكٶلٸك ەكٸمشٸلەندٸرۋدٸ جەڭٸلدەتۋدٸ كٷتٸپ تۇر.
«جىل باسىنان بەرٸ شەكارا ماڭىنداعى بەكەتتەر بويىنشا كەدەندٸك تٶلەمدەر مەن سالىقتاردىڭ تٷسٸمٸ 23%, ال كٶلەمٸ – 26% ازايعان», - دەدٸ ەرۇلان جاماۋباەۆ.
