Qyrǵyzstannyń Skriabin muzdyǵynda tas kóshkininen qaza tapqan qazaqstandyq pen basqa da týrister evakýatsiialandy, dep habarlaidy QazAqparat tilshisi Qyrǵyz Respýblikasy TJM baspasóz qyzmetine silteme jasap.
Qazaqstan qutqarý qyzmetiniń tikushaǵy zardap shekkenderdiń barlyǵyn qutqaryp, Bishkek qalasyndaǵy «Manas» áýejaiyna jetkizgen.
Eske salaiyq, 30 shildede Qyrǵyzstan aýmaǵynda Bishkek qalasynan 40 shaqyrym qashyqtyqta Skriabin muzdyǵy aýdanynda bir top týrister taýdan qulaǵan tas kóshkinine tap bolǵan edi. Zardap shegýshilerdiń arasynda tórt Qazaqstan azamaty bar. QR Syrtqy ister ministrligi oqiǵa kezinde qazaqstandyqtyń mert bolǵanyn rastady.
Búgin Qyrǵyzstanǵa QR TJK Respýblikalyq jedel-qutqarý jasaǵynyń qutqarýshylary tikushaqpen týristerge kómekke attanǵan bolatyn.
