8 aqpanda keshke jaqyn Qyrǵyzstannyń Qazaqstanmen shekaralas aýmaǵyna shamamen 200 adam jinaldy. Kelgenderdiń basym bóligi etnikalyq dúngender boldy. Olar Jambyl oblysy Qordai aýdanynda 7 aqpan kúngi oqiǵadan keiin Qyrǵyzstanǵa ótpek bolǵan týystaryn kútip turǵandyqtaryn aitty.
7 aqpanda Qordai aýdanyndaǵy birneshe eldi mekende bolǵan janjaldan resmi derek boiynsha segiz adam qaza bolǵan, ondaǵan adam jaraqattanǵan.
Azattyqtyń Qyrǵyz qyzmetiniń habarlaýynsha, týystaryn kútken azamattar shekarany kesip ótken adamdarǵa qajetti kómek kórsetip, ystyq tamaq ta ázirlegen.
Buǵan deiin Qyrǵyzstannyń shekara qyzmeti Qordaidaǵy oqiǵadan keiin Qazaqstan shekarasyn kesip ótetinder sany kúrt ulǵaiǵanyn habarlaǵan.
Buǵan deiin Jambyl oblysynyń Qordai aýdanyndaǵy Masanchi aýylynyń turǵyndary arasynda jappai tóbeles bolǵanyn habarlaǵan bolatynbyz.
Politsiia "Adam óltirý" jáne "Tártipsizdik uiymdastyrý" baptary boiynsha qylmystyq ister qozǵady.
Kóp ýaqyt ótpei Prezident Qasym-Jomart Toqaev osy oqiǵaǵa qatysty pikir bildirdi.
«Jambyl oblysy Qordai aýdanynda buzaqylyq sipattaǵy jappai tóbeles boldy. Ony arandatýshylar óz paidasyna qoldanbaq bolǵan. Politsiia jaǵdaidy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady», dep jazdy Qasym-Jomart Toqaev Twitter-degi paraqshasynda.
Al búgin Memleket basshysy Jambyl oblysyndaǵy oqiǵaǵa bailanysty málimdeme jasady.
