8 اقپاندا كەشكە جاقىن قىرعىزستاننىڭ قازاقستانمەن شەكارالاس اۋماعىنا شامامەن 200 ادام جينالدى. كەلگەندەردٸڭ باسىم بٶلٸگٸ ەتنيكالىق دٷنگەندەر بولدى. ولار جامبىل وبلىسى قورداي اۋدانىندا 7 اقپان كٷنگٸ وقيعادان كەيٸن قىرعىزستانعا ٶتپەك بولعان تۋىستارىن كٷتٸپ تۇرعاندىقتارىن ايتتى.
7 اقپاندا قورداي اۋدانىنداعى بٸرنەشە ەلدٸ مەكەندە بولعان جانجالدان رەسمي دەرەك بويىنشا سەگٸز ادام قازا بولعان, ونداعان ادام جاراقاتتانعان.
ازاتتىقتىڭ قىرعىز قىزمەتٸنٸڭ حابارلاۋىنشا, تۋىستارىن كٷتكەن ازاماتتار شەكارانى كەسٸپ ٶتكەن ادامدارعا قاجەتتٸ كٶمەك كٶرسەتٸپ, ىستىق تاماق تا ەزٸرلەگەن.
بۇعان دەيٸن قىرعىزستاننىڭ شەكارا قىزمەتٸ قوردايداعى وقيعادان كەيٸن قازاقستان شەكاراسىن كەسٸپ ٶتەتٸندەر سانى كٷرت ۇلعايعانىن حابارلاعان.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
پوليتسييا "ادام ٶلتٸرۋ" جەنە "تەرتٸپسٸزدٸك ۇيىمداستىرۋ" باپتارى بويىنشا قىلمىستىق ٸستەر قوزعادى.
كٶپ ۋاقىت ٶتپەي پرەزيدەنت قاسىم-جومارت توقاەۆ وسى وقيعاعا قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
