Qyrǵyzstanda memlekettik ulttyq qaýipsizdik komitetiniń qyzmetkerleri arnaiy daiyndyqtan ótip, lańkestik jasamaq bolǵan jankeshtini ustady, - dep habarlaidy kaz.tengrinews.kz RIA Novosti agenttigine silteme jasap
"Halyqaralyq lańkestik uiymdardyń sodyrlary el aýmaǵyna kirýiniń aldyn alý maqsatynda ótkizilip jatqan lańkestikke qarsy operatsiia barysynda 1992 jyly týǵan Qyrǵyzstan Respýblikasynyń azamaty ustaldy. Onyń Siriia aýmaǵynda "jankeshtiniń" arnaiy áskeri jattyǵýynan ótkeni anyqtaldy", - dep habarlaidy baspasóz qyzmetiniń ókilderi.
Vedomstvo málimeti boiynsha, qazir ol tergeý abaqtysyna qamalyp, oǵan qatysty qylmystyq is qozǵalǵan.
Basylymnyń jazýynsha, qazir Siriia men Irak aýmaǵynda Qyrǵyzstannyń myń jarymǵa jýyq azamaty lańkestik uiymdar qatarynda júr. Sonyń ishinde, kámeletke tolmaǵandar da bar. Byltyr eldiń IIM qyzmetkerleri sheteldik lańkestik uiymdarǵa adamdardy úgittep, qataryna tartý boiynsha 200 derektiń betin ashqan.
