قىرعىزستاندا مەملەكەتتٸك ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ ارنايى دايىندىقتان ٶتٸپ, لاڭكەستٸك جاساماق بولعان جانكەشتٸنٸ ۇستادى, - دەپ حابارلايدى kaz.tengrinews.kz ريا نوۆوستي اگەنتتٸگٸنە سٸلتەمە جاساپ
"حالىقارالىق لاڭكەستٸك ۇيىمداردىڭ سودىرلارى ەل اۋماعىنا كٸرۋٸنٸڭ الدىن الۋ ماقساتىندا ٶتكٸزٸلٸپ جاتقان لاڭكەستٸككە قارسى وپەراتسييا بارىسىندا 1992 جىلى تۋعان قىرعىزستان رەسپۋبليكاسىنىڭ ازاماتى ۇستالدى. ونىڭ سيرييا اۋماعىندا "جانكەشتٸنٸڭ" ارنايى ەسكەري جاتتىعۋىنان ٶتكەنٸ انىقتالدى", - دەپ حابارلايدى باسپاسٶز قىزمەتٸنٸڭ ٶكٸلدەرٸ.
ۆەدومستۆو مەلٸمەتٸ بويىنشا, قازٸر ول تەرگەۋ اباقتىسىنا قامالىپ, وعان قاتىستى قىلمىستىق ٸس قوزعالعان.
باسىلىمنىڭ جازۋىنشا, قازٸر سيرييا مەن يراك اۋماعىندا قىرعىزستاننىڭ مىڭ جارىمعا جۋىق ازاماتى لاڭكەستٸك ۇيىمدار قاتارىندا جٷر. سونىڭ ٸشٸندە, كەمەلەتكە تولماعاندار دا بار. بىلتىر ەلدٸڭ ٸٸم قىزمەتكەرلەرٸ شەتەلدٸك لاڭكەستٸك ۇيىمدارعا ادامداردى ٷگٸتتەپ, قاتارىنا تارتۋ بويىنشا 200 دەرەكتٸڭ بەتٸن اشقان.
