2 sáýirde Qyrǵyzstanda 61 jastaǵy er adam koronavirýstan qaitys boldy, dep habarlady respýblikalyq shtab ókilderi. Naýqas Osh oblysyndaǵy aýrýhanada emdelgen. Jaqynda shetelden oralyp, statsionarda karantinde bolǵan. Testten ótip, virýs bary anyqtalǵan. Naýqasta ózge de aýrýlar bolǵan dep aitylady.
Respýblikalyq shtab ókilderi 3 sáýirde tańerteń Qyrǵyzstanda taǵy toǵyz adamnan koronavirýs anyqtalǵanyn habarlady. Elde naýqastar sany 125 adamǵa jetken.
Tórt naýqastyń jaǵdaiy aýyr, bir adam ókpeni jasandy jeldetý apparatyna qosylǵan dedi shtab ókilderi.
Epidemiia bastalǵan ýaqyttan beri bes adam aiyqqan. Bul Qyrǵyzstanda tirkelgen alǵashqy adam ólimi.
