2 سەۋٸردە قىرعىزستاندا 61 جاستاعى ەر ادام كوروناۆيرۋستان قايتىس بولدى, دەپ حابارلادى رەسپۋبليكالىق شتاب ٶكٸلدەرٸ. ناۋقاس وش وبلىسىنداعى اۋرۋحانادا ەمدەلگەن. جاقىندا شەتەلدەن ورالىپ, ستاتسيوناردا كارانتيندە بولعان. تەستتەن ٶتٸپ, ۆيرۋس بارى انىقتالعان. ناۋقاستا ٶزگە دە اۋرۋلار بولعان دەپ ايتىلادى.
رەسپۋبليكالىق شتاب ٶكٸلدەرٸ 3 سەۋٸردە تاڭەرتەڭ قىرعىزستاندا تاعى توعىز ادامنان كوروناۆيرۋس انىقتالعانىن حابارلادى. ەلدە ناۋقاستار سانى 125 ادامعا جەتكەن.
تٶرت ناۋقاستىڭ جاعدايى اۋىر, بٸر ادام ٶكپەنٸ جاساندى جەلدەتۋ اپپاراتىنا قوسىلعان دەدٸ شتاب ٶكٸلدەرٸ.
ەپيدەمييا باستالعان ۋاقىتتان بەرٸ بەس ادام ايىققان. بۇل قىرعىزستاندا تٸركەلگەن العاشقى ادام ٶلٸمٸ.
