QR Syrtqy ister ministrligi Qyrǵyzstandaǵy tas kóshkini kezinde qazaqstandyq azamattyń qaza tapqany týraly derekti rastady, dep habarlaidy "QazAqparat" vedomstvonyń baspasóz qyzmetine silteme jasap.
«Mert bolǵan adam - Qazaqstan azamaty. Taǵy bir adam aýyr halde jatyr», - dedi vedomstvonyń baspasóz qyzmetindegiler.
QR SIM-de málim etkendei, qazaqstandyq tikushaq týristerdi evakýatsiialaýǵa daiyn, alaida kún bultty bolǵandyqtan, oqiǵa ornyna qona almaidy.
«Bálkim, erteń tańerteń bult seiilgende evakýatsiialaýdy bastaityn bolarmyz, - dedi baspasóz qyzmetiniń ókili.
Eske salaiyq, búgin Qyrǵyz Respýblikasynyń astanasy Bishkek qalasynan 40 shaqyrym jerde ornalasqan Skriabin muzdyǵynyń aýmaǵynda bir top týrister tas kóshkininiń astynda qalyp qoiǵan edi. Zardap shekkenderdiń ishinde Qazaqstannyń tórt azamaty bar.
