قر سىرتقى ٸستەر مينيسترلٸگٸ قىرعىزستانداعى تاس كٶشكٸنٸ كەزٸندە قازاقستاندىق ازاماتتىڭ قازا تاپقانى تۋرالى دەرەكتٸ راستادى, دەپ حابارلايدى "قازاقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«مەرت بولعان ادام - قازاقستان ازاماتى. تاعى بٸر ادام اۋىر حالدە جاتىر», - دەدٸ ۆەدومستۆونىڭ باسپاسٶز قىزمەتٸندەگٸلەر.
قر سٸم-دە مەلٸم ەتكەندەي, قازاقستاندىق تٸكۇشاق تۋريستەردٸ ەۆاكۋاتسييالاۋعا دايىن, الايدا كٷن بۇلتتى بولعاندىقتان, وقيعا ورنىنا قونا المايدى.
«بەلكٸم, ەرتەڭ تاڭەرتەڭ بۇلت سەيٸلگەندە ەۆاكۋاتسييالاۋدى باستايتىن بولارمىز, - دەدٸ باسپاسٶز قىزمەتٸنٸڭ ٶكٸلٸ.
ەسكە سالايىق, بٷگٸن قىرعىز رەسپۋبليكاسىنىڭ استاناسى بٸشكەك قالاسىنان 40 شاقىرىم جەردە ورنالاسقان سكريابين مۇزدىعىنىڭ اۋماعىندا بٸر توپ تۋريستەر تاس كٶشكٸنٸنٸڭ استىندا قالىپ قويعان ەدٸ. زارداپ شەككەندەردٸڭ ٸشٸندە قازاقستاننىڭ تٶرت ازاماتى بار.
