Qyrǵyz Respýblikasynyń ekonomikalyq qylmyspen kúres jónindegi memlekettik qyzmeti (EQKMQ) Qazaqstanǵa jalpy quny 25 mln som bolatyn uialy telefondardy zańsyz áketý áreketin anyqtady. Bul týraly vedomstvonyń baspasóz qyzmeti málim etti, dep habarlaidy Kabar agenttigi.
Alamýdýn jáne Ystyq-Ata aýdandarynyń EQKMQ Memlekettik shekara qyzmetiniń qyzmetkerlerimen birlesip elge taýarlardy zańsyz áketý men ákelýdi anyqtaýǵa jáne onyń jolyn kesýge baǵyttalǵan is-sharany júrgizdi.
Sonyń barysynda «Aq-Tilek Avtojol» baqylaý-ótkizý beketinde Qazaqstanǵa taýardy zańsyz áketpek bolǵan «Lexus GX470» markaly avtokólik ustaldy.
Atalǵan avtokólikti tintý kezinde jalpy quny 25 million som bolatyn qymbat uialy telefondar tabyldy. Olardyń markasy: Aifon 12, Aifon 11, Aifon 10, Aifon 7, Aifon 6, Aifon SE, Aifon qalamdary, Aifon, Samsýng Z, Redmi 9, Poko H9 qulaqqaptary - 20 dana.
Atalǵan fakti tirkeldi. Tergeý júrip jatyr.
