Qyrǵyzstannyń burynǵy prezidenti Almazbek Atambaevtyń densaýlyǵyn sot-meditsinalyq saraptama mamandary tekseredi. 2019 jyly Koi-Tashta bolǵan oqiǵa boiynsha isti qarap jatqan sýdia sondai sheshim shyǵarǵan.
Sot sheshimin Qyrǵyzstan sotsial-demokratiialyq partiiasynyń ókili, iske qatysýshylardyń biri Kýndýz Joldýbaeva habarlady. Bul partiiany buryn Atambaev basqarǵan. Partiia ókiliniń sózine qaraǵanda, Koi-Tashtaǵy oqiǵa boiynsha is saraptama nátijesi daiyn bolǵanǵa deiin toqtatylǵan, dep jazady Azattyq.
Qazir burynǵy prezident Almazbek Atambaev koloniiada otyr. Ol 2020 jyldyń jeltoqsan aiynda densaýlyǵyna bailanysty tergeý izoliatorynan sol jaqqa aýystyrylǵan. Keiingi ailarda ol sotqa múlde qatyspaǵan. Advokattary bultartpas sharasyn ózgertý týraly birneshe ret ótinish bergen.
Atambaev Qyrǵyzstandy 2011 men 2017 jyldary aralyǵynda basqarǵan. Qyzmetinen ketkennen keiin oǵan aýyr qylmystar boiynsha aiyptar taǵyldy. Ol istiń saiasilanǵanyn aityp, aiyptardy joqqa shyǵarady.
2019 jyly 7-8 tamyzda Koi-Tashta eks-prezident Almazbek Atambaevty tergeýge kúshpen jetkizý operatsiiasy júrgizilgen. Ony IIM qylmystyq top jetekshisi Batýkaevtyń zańsyz bosatylýyna qatysty tergemek bolǵan. Ony kúshpen jetkizý operatsiiasy kezinde arnaiy jasaq ókili qaza boldy, 200-den astam adam jaraqattandy.
Ishki ister ministrliginiń tergeý basqarmasy 19 adamǵa aiyp taqty. Arasynda Almazbek Atambaev ta bar. Koi-Tashtaǵy oqiǵadan bólek, Atambaevqa Bishkek jylý elektr ortalyǵyn jańartý kezinde aqsha jymqyrý, qylmystyq jolmen alynǵan kiristi zańdastyrý jáne zańsyz baiý, "Terek" súrme kenishin zańsyz ielenýge qatysty ister boiynsha aiyp taǵylǵan.
2020 jyly maýsym aiynda Atambaev qylmystyq top jetekshisi Aziz Batýkaevty zańsyz bosatý isi boiynsha kináli dep tanylyp, 11 jylǵa bas bostandyǵynan aiyrylǵan. 30 qarashada joǵarǵy sot aldyńǵy instantsiiada shyqqan sot úkiminiń kúshin joiyp, isti Bishkek qalasynyń Pervomai aýdandyq sotyna qaita qaraýǵa jibergen.
