Han Kene men Naýryzbai batyrdyń qolyna qarsy shapqan qyrǵyz manaptarynyń ishinde aiyr qalpaqty milyqtata kiip alǵan orys-kazak jasaqtary boldy deitin derek bar. Sóitip aqyrynda aq patsha qyrǵyzdy qazaqqa aidap salyp degenine jetken kórinedi. Áitse de, biraq, qazaq pen qyrǵyzdyń irgesi bólingen joq.
Shoqan qyrǵyz tarihyna sholý jasady. Enesai men Alatoodyń arasynda kóshken qyrǵyz kóshin "epopeialyq kósh" dep atady." Manas jyryn" qaǵazǵa túsirip, ǵylymi ainalymǵa engizdi. "Ystyqkól ocherkterin" jazdy.
Muhtar Áýezov Máskeýde "Manas jyryn" "býrjýaziianyń jyry" dep bet qaratpaǵan Sovet tsenzýrasynan qorǵap qaldy. Jas ám talantty jazýshy Shyńǵys Aitymatovty biikke kóterdi. Sol Shyqań "naǵashy jurtyma baryp keleiin" dep Alataýdyń teriskei betine attanǵanda qazaq jazýshylary alty qanat aq boz úiin tigip aldynan shyǵatyn. Qala berdi, qazaqty qyrǵyzdai jaqsy kóretin, qyrǵyzdy qazaqtai baýyr tutatyn el kemde kem.
Mine, osyndai arqa-jarqa eldiń arasyna Atambaev siiaqty ońǵaq saiasatkerlerdiń sózi syna bolyp qaǵylmaýy kerek dep oilaimyn. Atambaevtar keledi ketedi. "Seniń de kigeniń aq qalpaq, meniń de kigenim aq qalpaq, betimiz bizdiń jap-jalpaq" dep qazaq-qyrǵyz aman-esen júre bersin!
Dáýren Qýattyń feisbýktegi jazbasynan
