حان كەنە مەن ناۋرىزباي باتىردىڭ قولىنا قارسى شاپقان قىرعىز ماناپتارىنىڭ ٸشٸندە ايىر قالپاقتى ميلىقتاتا كيٸپ العان ورىس-كازاك جاساقتارى بولدى دەيتٸن دەرەك بار. سٶيتٸپ اقىرىندا اق پاتشا قىرعىزدى قازاققا ايداپ سالىپ دەگەنٸنە جەتكەن كٶرٸنەدٸ. ەيتسە دە, بٸراق, قازاق پەن قىرعىزدىڭ ٸرگەسٸ بٶلٸنگەن جوق.
شوقان قىرعىز تاريحىنا شولۋ جاسادى. ەنەساي مەن الاتوودىڭ اراسىندا كٶشكەن قىرعىز كٶشٸن "ەپوپەيالىق كٶش" دەپ اتادى." ماناس جىرىن" قاعازعا تٷسٸرٸپ, عىلىمي اينالىمعا ەنگٸزدٸ. "ىستىقكٶل وچەركتەرٸن" جازدى.
مۇحتار ەۋەزوۆ مەسكەۋدە "ماناس جىرىن" "بۋرجۋازييانىڭ جىرى" دەپ بەت قاراتپاعان سوۆەت تسەنزۋراسىنان قورعاپ قالدى. جاس ەم تالانتتى جازۋشى شىڭعىس ايتىماتوۆتى بيٸككە كٶتەردٸ. سول شىقاڭ "ناعاشى جۇرتىما بارىپ كەلەيٸن" دەپ الاتاۋدىڭ تەرٸسكەي بەتٸنە اتتانعاندا قازاق جازۋشىلارى التى قانات اق بوز ٷيٸن تٸگٸپ الدىنان شىعاتىن. قالا بەردٸ, قازاقتى قىرعىزداي جاقسى كٶرەتٸن, قىرعىزدى قازاقتاي باۋىر تۇتاتىن ەل كەمدە كەم.
مٸنە, وسىنداي ارقا-جارقا ەلدٸڭ اراسىنا اتامباەۆ سيياقتى وڭعاق ساياساتكەرلەردٸڭ سٶزٸ سىنا بولىپ قاعىلماۋى كەرەك دەپ ويلايمىن. اتامباەۆتار كەلەدٸ كەتەدٸ. "سەنٸڭ دە كيگەنٸڭ اق قالپاق, مەنٸڭ دە كيگەنٸم اق قالپاق, بەتٸمٸز بٸزدٸڭ جاپ-جالپاق" دەپ قازاق-قىرعىز امان-ەسەن جٷرە بەرسٸن!
دەۋرەن قۋاتتىڭ فەيسبۋكتەگٸ جازباسىنان
