Qyrǵyzstan prezidenti mindetin ýaqytsha atqarýshy, Jogorký keńesh spikeri Talant Mamytov premer-ministr men úkimettiń ókiletin aiaqtaý týraly jarlyqqa qol qoidy. Bul týraly memleket basshysynyń saitynda habarlandy, dep jazady Azattyq.
Habarlamada prezident sailaýynyń resmi qorytyndysy jariialanyp, Sadyr Japarovtyń premer-ministr ókiletin aiaqtaý týraly ótinish bergeni jazylǵan.
Bul jarlyq boiynsha úkimet tolyq otstavkaǵa ketti dep sanalady. Premer-ministr mindetin Artem Novikov ýaqytsha atqarady.
Buǵan deiin Sadyr Japarovtyń prezident sailaýynyń resmi nátijesi shyqqannan keiin premer-ministr ókiletinen bas tartatyny habarlanǵan edi. Konstitýtsiia boiynsha, budan soń úkimet tolyq otstavkaǵa ketýi tiis.
Byltyr 6 qazanda Qyrǵyzstanda halyq tolqýy bolyp, artynsha bilik aýysqan. Jogorký keńeshtiń kezekten tys otyrysynda Sadyr Japarov premer-ministr bolyp taǵaiyndalǵan. Keiin ol prezident sailaýyna túskisi keletinin aityp, úkimet jetekshisiniń ókiletin ýaqytsha toqtatqan. Onyń mindeti premer-ministrdiń orynbasary Artem Novikovqa júktelgen.
20 qańtarda ortalyq sailaý komissiiasy prezident sailaýynyń resmi nátijesin jariialap, Sadyr Japarovtyń jeńgenin málimdedi. Onyń inaýgýratsiiasy 28 qańtarda ótedi.
Kezekten tys prezident sailaýy 10 qańtarda ótken, oǵan 17 kandidat qatysqan.
