قىرعىزستان پرەزيدەنتٸ مٸندەتٸن ۋاقىتشا اتقارۋشى, جوگوركۋ كەڭەش سپيكەرٸ تالانت مامىتوۆ پرەمەر-مينيستر مەن ٷكٸمەتتٸڭ ٶكٸلەتٸن اياقتاۋ تۋرالى جارلىققا قول قويدى. بۇل تۋرالى مەملەكەت باسشىسىنىڭ سايتىندا حابارلاندى, دەپ جازادى ازاتتىق.
حابارلامادا پرەزيدەنت سايلاۋىنىڭ رەسمي قورىتىندىسى جارييالانىپ, سادىر جاپاروۆتىڭ پرەمەر-مينيستر ٶكٸلەتٸن اياقتاۋ تۋرالى ٶتٸنٸش بەرگەنٸ جازىلعان.
بۇل جارلىق بويىنشا ٷكٸمەت تولىق وتستاۆكاعا كەتتٸ دەپ سانالادى. پرەمەر-مينيستر مٸندەتٸن ارتەم نوۆيكوۆ ۋاقىتشا اتقارادى.
بۇعان دەيٸن سادىر جاپاروۆتىڭ پرەزيدەنت سايلاۋىنىڭ رەسمي نەتيجەسٸ شىققاننان كەيٸن پرەمەر-مينيستر ٶكٸلەتٸنەن باس تارتاتىنى حابارلانعان ەدٸ. كونستيتۋتسييا بويىنشا, بۇدان سوڭ ٷكٸمەت تولىق وتستاۆكاعا كەتۋٸ تيٸس.
بىلتىر 6 قازاندا قىرعىزستاندا حالىق تولقۋى بولىپ, ارتىنشا بيلٸك اۋىسقان. جوگوركۋ كەڭەشتٸڭ كەزەكتەن تىس وتىرىسىندا سادىر جاپاروۆ پرەمەر-مينيستر بولىپ تاعايىندالعان. كەيٸن ول پرەزيدەنت سايلاۋىنا تٷسكٸسٸ كەلەتٸنٸن ايتىپ, ٷكٸمەت جەتەكشٸسٸنٸڭ ٶكٸلەتٸن ۋاقىتشا توقتاتقان. ونىڭ مٸندەتٸ پرەمەر-مينيستردٸڭ ورىنباسارى ارتەم نوۆيكوۆقا جٷكتەلگەن.
20 قاڭتاردا ورتالىق سايلاۋ كوميسسيياسى پرەزيدەنت سايلاۋىنىڭ رەسمي نەتيجەسٸن جارييالاپ, سادىر جاپاروۆتىڭ جەڭگەنٸن مەلٸمدەدٸ. ونىڭ يناۋگۋراتسيياسى 28 قاڭتاردا ٶتەدٸ.
كەزەكتەن تىس پرەزيدەنت سايلاۋى 10 قاڭتاردا ٶتكەن, وعان 17 كانديدات قاتىسقان.
