Qyrǵyzstannyń Naryn oblysy Koshkor aýdanynyń soty 23 jastaǵy áieldi óltirdi dep aiyptalǵan jergilikti turǵynǵa ómirlik túrme jazasyn berdi. Bul týraly oblystyq sottyń baspasóz qyzmeti habarlady. Sot úkimi 20 sáýirde shyqqan. Áli zańdy kúshine engen joq.
Áieldiń máiiti biyl 23 qańtarda Ak-Kiia aýyly mańyndaǵy qora-jailardyń birinen tabylǵan. Keiinirek onyń ólimine bailanysty 25 jastaǵy er adam ustalǵan. Keibir aqparat quraldary er adamnyń ony atpen súiregenin jazǵan.
Ishki ister ministrliginiń aqparaty boiynsha, Qyrǵyzstanda turmystyq zorlyq-zombylyq oqiǵalary jyl saiyn kóbeiip barady. 2021 jyldyń alǵashqy eki aiynda elde sondai 1463 fakt tirkelgen. Bul byltyrǵy jyldyń osy kezeńimen salystyrǵanda 20 oqiǵaǵa kóp. 2012 men 2015 jyldary jyl saiyn 2500-3500 aralyǵynda fakt tirkelip otyrǵan. 2016-2018 jyldary bul kórsetkish jeti myńnan túspegen. Al byltyr 9000-nan asyp ketken. Statistika boiynsha, isterdiń 90 paiyzy sotqa jetpei, túrli sebepke bailanysty jabylady.
