قىرعىزستاننىڭ نارىن وبلىسى كوشكور اۋدانىنىڭ سوتى 23 جاستاعى ەيەلدٸ ٶلتٸردٸ دەپ ايىپتالعان جەرگٸلٸكتٸ تۇرعىنعا ٶمٸرلٸك تٷرمە جازاسىن بەردٸ. بۇل تۋرالى وبلىستىق سوتتىڭ باسپاسٶز قىزمەتٸ حابارلادى. سوت ٷكٸمٸ 20 سەۋٸردە شىققان. ەلٸ زاڭدى كٷشٸنە ەنگەن جوق.
ەيەلدٸڭ مەيٸتٸ بيىل 23 قاڭتاردا اك-كييا اۋىلى ماڭىنداعى قورا-جايلاردىڭ بٸرٸنەن تابىلعان. كەيٸنٸرەك ونىڭ ٶلٸمٸنە بايلانىستى 25 جاستاعى ەر ادام ۇستالعان. كەيبٸر اقپارات قۇرالدارى ەر ادامنىڭ ونى اتپەن سٷيرەگەنٸن جازعان.
ٸشكٸ ٸستەر مينيسترلٸگٸنٸڭ اقپاراتى بويىنشا, قىرعىزستاندا تۇرمىستىق زورلىق-زومبىلىق وقيعالارى جىل سايىن كٶبەيٸپ بارادى. 2021 جىلدىڭ العاشقى ەكٸ ايىندا ەلدە سونداي 1463 فاكت تٸركەلگەن. بۇل بىلتىرعى جىلدىڭ وسى كەزەڭٸمەن سالىستىرعاندا 20 وقيعاعا كٶپ. 2012 مەن 2015 جىلدارى جىل سايىن 2500-3500 ارالىعىندا فاكت تٸركەلٸپ وتىرعان. 2016-2018 جىلدارى بۇل كٶرسەتكٸش جەتٸ مىڭنان تٷسپەگەن. ال بىلتىر 9000-نان اسىپ كەتكەن. ستاتيستيكا بويىنشا, ٸستەردٸڭ 90 پايىزى سوتقا جەتپەي, تٷرلٸ سەبەپكە بايلانىستى جابىلادى.
