Qazaqstan - Qyrǵyzstan shekarasyndaǵy atystan bir adam mert boldy, dep habarlaidy "Ult aqparat" QR UQK saityna silteme jasap.
«2019 jyldyń 23 qańtarynda Taraz shekara otriadynyń «Jas órken» shekara zastavasyna qarsy ýchastikte Qyrǵyz Respýblikasynyń shekarashylary Qyrǵyzstannan Qazaqstanǵa 10 jylqy aidap áketpek bolǵan 3 shekara buzýshyny ustaýǵa tyrysqan. Oqiǵa barysynda quqyq buzýshylar sýyq qarý qoldaný arqyly qarsylyq tanytqan. Osy jaǵdaida qyrǵyz shekarashylary qarý qoldanǵan. Qarý qoldaný kezinde quqyq buzýshylardyń biri jaraqat alǵan. Qalǵan eki belgisiz adam attarmen birge Qazaqstan Respýblikasynyń aýmaǵynda jasyrynǵan», - delingen komitettiń habarlamasynda.
Saǵat 12.15-te jaraqat alǵan shekara buzýshy (Qazaqstan Respýblikasynyń azamaty, tergeý múddesi úshin ol týraly málimet jariialanbaidy) Talas aýrýhanasyna aparar jolda kóz jumdy.
Qazirgi ýaqytta Taraz shekara otriady shekara buzýshylary men jylqylardy izdestirý is-sharalaryn júrgizip jatyr. QR UQK shekarada kóz jumǵan adamnyń buryn sotty bolǵany anyqtaldy.
