قازاقستان - قىرعىزستان شەكاراسىنداعى اتىستان بٸر ادام مەرت بولدى, دەپ حابارلايدى "ۇلت اقپارات" قر ۇقك سايتىنا سٸلتەمە جاساپ.
«2019 جىلدىڭ 23 قاڭتارىندا تاراز شەكارا وتريادىنىڭ «جاس ٶركەن» شەكارا زاستاۆاسىنا قارسى ۋچاستٸكتە قىرعىز رەسپۋبليكاسىنىڭ شەكاراشىلارى قىرعىزستاننان قازاقستانعا 10 جىلقى ايداپ ەكەتپەك بولعان 3 شەكارا بۇزۋشىنى ۇستاۋعا تىرىسقان. وقيعا بارىسىندا قۇقىق بۇزۋشىلار سۋىق قارۋ قولدانۋ ارقىلى قارسىلىق تانىتقان. وسى جاعدايدا قىرعىز شەكاراشىلارى قارۋ قولدانعان. قارۋ قولدانۋ كەزٸندە قۇقىق بۇزۋشىلاردىڭ بٸرٸ جاراقات العان. قالعان ەكٸ بەلگٸسٸز ادام اتتارمەن بٸرگە قازاقستان رەسپۋبليكاسىنىڭ اۋماعىندا جاسىرىنعان», - دەلٸنگەن كوميتەتتٸڭ حابارلاماسىندا.
ساعات 12.15-تە جاراقات العان شەكارا بۇزۋشى (قازاقستان رەسپۋبليكاسىنىڭ ازاماتى, تەرگەۋ مٷددەسٸ ٷشٸن ول تۋرالى مەلٸمەت جارييالانبايدى) تالاس اۋرۋحاناسىنا اپارار جولدا كٶز جۇمدى.
قازٸرگٸ ۋاقىتتا تاراز شەكارا وتريادى شەكارا بۇزۋشىلارى مەن جىلقىلاردى ٸزدەستٸرۋ ٸس-شارالارىن جٷرگٸزٸپ جاتىر. قر ۇقك شەكارادا كٶز جۇمعان ادامنىڭ بۇرىن سوتتى بولعانى انىقتالدى.
