قازاقستاندا 16 جاسقا تولماعان بالالارعا ەلەۋمەتتٸك جەلٸلەردە اككاۋنت اشۋعا تىيىم سالۋ جوسپارلانىپ وتىر. بۇل نورما ونلاين-پلاتفورمالاردىڭ قىزمەتٸن رەتتەيتٸن ماقۇلدانعان زاڭ جوبالارىنا ەنگٸزٸلگەن, دەپ حابارلايدى ult.kz.
جاڭا تالاپتار كەمەلەتكە تولماعان پايدالانۋشىلارمەن قاتار تانىمال بلوگەرلەرگە, ونلاين-كۋرس اۆتورلارىنا جەنە ەزوتەريكا سالاسىندا قىزمەت كٶرسەتەتٸندەرگە دە قاتىستى بولادى.
ەلەۋمەتتٸك جەلٸلەردە تاعى قانداي ٶزگەرٸستەر بولادى?
- بلوگەرلەر تٸزٸلٸمٸ جاسالادى. ۋەكٸلەتتٸ ورگان جازىلۋشىلار سانى 5 مىڭنان اساتىن ونلاين-پلاتفورما پايدالانۋشىلارىنىڭ ارنايى تٸزٸمٸن جٷرگٸزەدٸ.
- بٸلٸم بەرۋ كونتەنتٸن جاساۋشىلار ديپلومىن كٶرسەتۋگە مٸندەتتەلەدٸ. وقۋ كۋرستارى مەن بٸلٸم بەرۋ باعىتىنداعى ماتەريالدار جارييالايتىن اۆتورلار ٶز پاراقشالارىندا بٸلٸمٸ تۋرالى مەلٸمەتتٸ كٶرسەتۋٸ كەرەك. ول ناقتى ديپلوممەن نەمەسە سەرتيفيكاتپەن راستالۋى تيٸس.
- ەزوتەريكالىق قىزمەتتەرگە ارنايى بەلگٸ قويىلادى. قازاقستان زاڭناماسىندا العاش رەت «وككۋلتتٸك قىزمەتتەر» ۇعىمى رەسمي تٷردە بەكٸتٸلمەك. مۇنداي مازمۇنداعى بارلىق كونتەنتكە ونىڭ تەك ويىن-ساۋىق ماقساتىندا ۇسىنىلاتىنى, عىلىمي نەمەسە پراكتيكالىق تۇرعىدان دەلەلدەنبەگەنٸ تۋرالى ەسكەرتۋ ورنالاستىرۋ مٸندەتتەلەدٸ.
وسىلايشا, جاڭا زاڭ جوبالارى قابىلدانسا, قازاقستانداعى ەلەۋمەتتٸك جەلٸلەردٸڭ جۇمىس تەرتٸبٸ ٶزگەرٸپ, پايدالانۋشىلار مەن كونتەنت اۆتورلارىنا قويىلاتىن تالاپتار كٷشەيەدٸ.