QR Premer-Ministriniń orynbasary – Qarjy ministri Erulan Jamaýbaev Senat otyrysynan keiin BAQ ókilderine eldegi qymbatshylyq qashanǵa deiin jalǵasatyny týraly boljamyn aitty, dep habarlaidy QazAqparat.
«Keibir sarapshylar kelesi jyly Qazaqstanda sýperinfliatsiia bolatynyn aityp júr? Bul ras pa? Qymbatshylyqtyń beti qashan qaitady?», - dep surady jýrnalist.
Ministr qazirgi qymbatshylyq Qazaqstanda keiingi 10-15 jyldan beri bolmaǵanyn eske saldy.
«Aitaiyn degenim, biylǵy baǵanyń ósýi, infliatsiia 18,8 paiyz bolyp tur. Bul - sońǵy 10-15 jylda bolmaǵan úlken kórsetkish. Ony bárimiz túsinip otyrmyz. Shet elderde sońǵy 40-50 jylda bolmaǵan nárse. Qazir atqarylyp jatqan sharalardyń qorytyndysynda osy jyldyń sońy, kelesi jyldyń basynda infliatsiianyń kúrt tómendeýi baiqalatynyna úmit artyp otyrmyz. Shyńy 20 protsenttiń ainalasynda bolady. Sosyn baryp túsedi», - dedi ministr.
Onyń sózine qaraǵanda, keler jyldyń aiaǵynda infliatsiia qazirgi deńgeiinen eki ese túsýi múmkin.
«Endigi jylǵa biýdjette kórsetilgen mólsherleme - 7,5 paiyz ben 9,5 paiyzdyń aralyǵy. 2023 jyldyń qorytyndysy boiynsha sol kórsetkishke jetsek, muny úlken kórsetkish dep esepteý kerek. Sebebi sol kezde eki ese tómen túseiin dep tur ǵoi», - dedi Erulan Jamaýbaev.
