قر پرەمەر-مينيسترٸنٸڭ ورىنباسارى – قارجى مينيسترٸ ەرۇلان جاماۋباەۆ سەنات وتىرىسىنان كەيٸن باق ٶكٸلدەرٸنە ەلدەگٸ قىمباتشىلىق قاشانعا دەيٸن جالعاساتىنى تۋرالى بولجامىن ايتتى, دەپ حابارلايدى قازاقپارات.
«كەيبٸر ساراپشىلار كەلەسٸ جىلى قازاقستاندا سۋپەرينفلياتسييا بولاتىنىن ايتىپ جٷر? بۇل راس پا? قىمباتشىلىقتىڭ بەتٸ قاشان قايتادى?», - دەپ سۇرادى جۋرناليست.
مينيستر قازٸرگٸ قىمباتشىلىق قازاقستاندا كەيٸنگٸ 10-15 جىلدان بەرٸ بولماعانىن ەسكە سالدى.
«ايتايىن دەگەنٸم, بيىلعى باعانىڭ ٶسۋٸ, ينفلياتسييا 18,8 پايىز بولىپ تۇر. بۇل - سوڭعى 10-15 جىلدا بولماعان ٷلكەن كٶرسەتكٸش. ونى بەرٸمٸز تٷسٸنٸپ وتىرمىز. شەت ەلدەردە سوڭعى 40-50 جىلدا بولماعان نەرسە. قازٸر اتقارىلىپ جاتقان شارالاردىڭ قورىتىندىسىندا وسى جىلدىڭ سوڭى, كەلەسٸ جىلدىڭ باسىندا ينفلياتسييانىڭ كٷرت تٶمەندەۋٸ بايقالاتىنىنا ٷمٸت ارتىپ وتىرمىز. شىڭى 20 پروتسەنتتٸڭ اينالاسىندا بولادى. سوسىن بارىپ تٷسەدٸ», - دەدٸ مينيستر.
ونىڭ سٶزٸنە قاراعاندا, كەلەر جىلدىڭ اياعىندا ينفلياتسييا قازٸرگٸ دەڭگەيٸنەن ەكٸ ەسە تٷسۋٸ مٷمكٸن.
«ەندٸگٸ جىلعا بيۋدجەتتە كٶرسەتٸلگەن مٶلشەرلەمە - 7,5 پايىز بەن 9,5 پايىزدىڭ ارالىعى. 2023 جىلدىڭ قورىتىندىسى بويىنشا سول كٶرسەتكٸشكە جەتسەك, مۇنى ٷلكەن كٶرسەتكٸش دەپ ەسەپتەۋ كەرەك. سەبەبٸ سول كەزدە ەكٸ ەسە تٶمەن تٷسەيٸن دەپ تۇر عوي», - دەدٸ ەرۇلان جاماۋباەۆ.
