Almaty prokýratýrasy 29 naýryz kúni "Merkýr Taýers" turǵyn úi kesheniniń kúzetshisin ólimshi etip sabap, kólikpen birneshe ret basyp ketken eks-depýtattyń balasyna qatysty tergeý týraly aitty, dep habarlaidy "Ult aqparat" Tengrinews.kz portalyna silteme jasap.
Vedomstvonyń málimetinshe, kisi óltirý deregi boiynsha sotqa deiingi tergeý 29 naýryz kúni bastalǵan. Alaida is toqtatylǵan.
"Qazir qylmystyq qýdalaý organy Qylmystyq is júrgizý kodeksiniń 45-babynyń 7-bóliginiń 4-tarmaǵy negizinde sotqa deiingi tergep-tekserýdi toqtatý týraly sheshim qabyldady", – delingen habarlamada.
Kórsetilgen bapqa sáikes, sotqa deiingi tergep-tekserý merzimi zańda belgilengen tártippen kýálandyrylǵan kúdiktiniń, aiyptalýshynyń psihikasynyń ýaqytsha buzylýy nemese ózge de aýyr syrqaty bolǵan jaǵdaida toqtatylady.
Eske salaiyq, buǵan deiin Almatyda 45 jastaǵy er adamnyń ózi turatyn turǵyn úi kesheniniń kúzetshisin qatigezdikpen óltirip ketkeni týraly jazǵan edik. Sondai-aq kórshileri kúdiktiniń esirtki qoldanatyny týraly aitty. Aiyptalýshy burynǵy depýtattyń uly ekeni belgili boldy.
