الماتى پروكۋراتۋراسى 29 ناۋرىز كٷنٸ "مەركۋر تاۋەرس" تۇرعىن ٷي كەشەنٸنٸڭ كٷزەتشٸسٸن ٶلٸمشٸ ەتٸپ ساباپ, كٶلٸكپەن بٸرنەشە رەت باسىپ كەتكەن ەكس-دەپۋتاتتىڭ بالاسىنا قاتىستى تەرگەۋ تۋرالى ايتتى, دەپ حابارلايدى "ۇلت اقپارات" Tengrinews.kz پورتالىنا سٸلتەمە جاساپ.
ۆەدومستۆونىڭ مەلٸمەتٸنشە, كٸسٸ ٶلتٸرۋ دەرەگٸ بويىنشا سوتقا دەيٸنگٸ تەرگەۋ 29 ناۋرىز كٷنٸ باستالعان. الايدا ٸس توقتاتىلعان.
"قازٸر قىلمىستىق قۋدالاۋ ورگانى قىلمىستىق ٸس جٷرگٸزۋ كودەكسٸنٸڭ 45-بابىنىڭ 7-بٶلٸگٸنٸڭ 4-تارماعى نەگٸزٸندە سوتقا دەيٸنگٸ تەرگەپ-تەكسەرۋدٸ توقتاتۋ تۋرالى شەشٸم قابىلدادى", – دەلٸنگەن حابارلامادا.
كٶرسەتٸلگەن باپقا سەيكەس, سوتقا دەيٸنگٸ تەرگەپ-تەكسەرۋ مەرزٸمٸ زاڭدا بەلگٸلەنگەن تەرتٸپپەن كۋەلاندىرىلعان كٷدٸكتٸنٸڭ, ايىپتالۋشىنىڭ پسيحيكاسىنىڭ ۋاقىتشا بۇزىلۋى نەمەسە ٶزگە دە اۋىر سىرقاتى بولعان جاعدايدا توقتاتىلادى.
ەسكە سالايىق, بۇعان دەيٸن الماتىدا 45 جاستاعى ەر ادامنىڭ ٶزٸ تۇراتىن تۇرعىن ٷي كەشەنٸنٸڭ كٷزەتشٸسٸن قاتٸگەزدٸكپەن ٶلتٸرٸپ كەتكەنٸ تۋرالى جازعان ەدٸك. سونداي-اق كٶرشٸلەرٸ كٷدٸكتٸنٸڭ ەسٸرتكٸ قولداناتىنى تۋرالى ايتتى. ايىپتالۋشى بۇرىنعى دەپۋتاتتىڭ ۇلى ەكەنٸ بەلگٸلٸ بولدى.
