قارجىلىق مونيتورينگ اگەنتتٸگٸنٸڭ الماتى وبلىسى بويىنشا دەپارتامەنتٸ لومبارد قىزمەتٸن جٷرگٸزۋ قۇقىعىنان ايىرىلعانىنا قاراماستان, جۇمىسىن جالعاستىرعان «البي» جەلٸسٸنٸڭ زاڭسىز ەرەكەتٸن توقتاتتى. تەرگەۋ دەرەگٸنشە, كٷدٸكتٸلەردٸڭ زاڭسىز قىزمەتتەن تاپقان تابىسى 146 ملن تەڭگەدەن اسقان, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, سوت سانكتسيياسىمەن كٷدٸكتٸگە تيەسٸلٸ 21 پەتەرگە, 5 جەر ۋچاسكەسٸنە, 7 اۆتوكٶلٸككە, 7 گاراجعا, 2 دٷكەن مەن قوناقٷيگە تىيىم سالىنعان.
تەرگەۋ ماتەريالدارىنا سەيكەس, بۇعان دەيٸن «البي-لومبارد» جشس ميكروقارجىلىق قىزمەت كٶرسەتەتٸن ۇيىمداردىڭ تٸزٸلٸمٸنەن شىعارىلىپ, لومبارد قىزمەتٸن جٷرگٸزۋ قۇقىعىنان ايىرىلعان. الايدا كومپانييا اتاۋىن «البي-كم» جشس دەپ ٶزگەرتكەننەن كەيٸن دە الماتى جەنە تٷركٸستان وبلىستارىندا زەرگەرلٸك بۇيىمداردى كەپٸلگە الىپ, حالىققا قارىز بەرۋدٸ جالعاستىرعان.
لومبارد بٶلٸمشەلەرٸ نەگٸزٸنەن بازارلار مەن ساۋدا ٷيلەرٸنٸڭ ماڭىندا ورنالاسقان. كليەنت تارتۋ ٷشٸن كەپٸلگە قويىلعان مٷلٸكتٸ جوعارى باعالايتىنىن جەنە قارىز الۋدىڭ نەسيە تاريحىنا ەسەر ەتپەيتٸنٸن العا تارتىپ, جارناما تاراتقان.
ال قارىز الۋشىلارعا كٷنٸنە 2 پايىزدىق ٶسٸممەن اقشا بەرٸلگەن. بۇل زاڭدا بەلگٸلەنگەن 0,3 پايىزدىق شەكتٸ مٶلشەرلەمەدەن شامامەن 6,7 ەسە جوعارى. قارىز شارتتارى بۇرىنعى «البي-لومبارد» جشس-نٸڭ مٶرٸ باسىلعان كەپٸل بيلەتتەرٸ ارقىلى رەسٸمدەلگەن. اقشالاي ەسەپ ايىرىسۋ قولما-قول جەنە كٷدٸكتٸلەردٸڭ باقىلاۋىنداعى جەكە كەسٸپكەرلەردٸڭ بانك شوتتارى ارقىلى جٷرگٸزٸلگەن.
كٷدٸكتٸ ەيەلگە قاتىستى ەشقايدا كەتپەۋ جەنە تيٸستٸ مٸنەز-قۇلىق تۋرالى قولحات تٷرٸندەگٸ بۇلتارتپاۋ شاراسى قولدانىلعان.
قىلمىستىق ٸس سوتقا جولداندى. ٸستٸڭ ٶزگە دەرەكتەرٸ قىلمىستىق-پروتسەستٸك كودەكستٸڭ 201-بابىنا سەيكەس جارييا ەتٸلمەيدٸ.
بۇعان دەيٸن استانادا زاڭسىز ويىن بيزنەسٸن ۇيىمداستىرۋشىلاردان 124,8 ملن تەڭگەدەن استام قارجى ٶندٸرٸلگەنٸ تۋرالى جازعان ەدٸك.
