Ulttyq qaýipsizdik komiteti zańsyz kóshi-qonǵa qarsy is-sharalar barysynda Qazaqstannyń kóshi-qon zańnamasyn buzǵan Qytaidyń 13 azamatyn anyqtap, ustady. 2026 jylǵy 16 qazanda olar ákimshilik tártippen el aýmaǵynan shyǵarylyp, ári qaraiǵy tergep-tekserý úshin Qytaidyń ýákiletti organdaryna tapsyryldy, dep habarlaidy ult.kz.
QR Ulttyq qaýipsizdik komitetiniń baspasóz qyzmeti habarlaǵandai, tekserý kezinde sheteldikterdiń Qazaqstan aýmaǵynda halyqaralyq internet-alaiaqtyqtyń jasyryn shemasyn uiymdastyrǵany anyqtalǵan. Olardan kóptegen kompiýterlik tehnika, uialy telefondar, Starlink spýtniktik internet jabdyqtary jáne kriptoámiiandarda saqtalǵan qomaqty qarajat tabylǵan.
Tergeý deregine sáikes, toptyń áreketi Qazaqstan rezidentteri bolyp tabylmaityn ózge elderdiń azamattaryna qarsy baǵyttalǵan. Zańsyz áreketter shetelden úilestirilip otyrǵan.
Osyǵan bailanysty tekserý Qytai Halyq Respýblikasynyń Qoǵamdyq qaýipsizdik ministrligimen birlesip júrgizilgen. Nátijesinde ustalǵandardyń keibiri óz elinde osyǵan uqsas áreketteri úshin halyqaralyq izdeýde júrgeni anyqtalǵan.
Aita keteiik, buǵan deiin Astanaǵa alaiaqtyq jasady degen kúdikpen halyqaralyq izdeýde júrgen adam jetkizilgen bolatyn.
