Foto:elements.envato.com
Aýyl sharýashylyǵy ministri Erbol Qarashókeev Qazaqstanda qant baǵasy turaqty ekenin aitty, - dep habarlaidy Tengrinews.kz.
"Jalpy, álem boiynsha qant baǵasy qymbattady. Biraq bizde turaqty. Qant bir óńirlerde 400-den, keibir jerlerde 500 teńgeden satylyp jatyr. Bul qanttyń jetkizilýine, birjalyq baǵalarǵa bailanysty. Bizde 4 zaýyt bar, olardy shikizatpen tolyq qamtamasyz ettik. Mamyrda shamamen 32-35 myń tonna, maýsymda shamamen 40-45 myń tonna óndiris bolady dep kútemiz. Óndirilgen kólemder ishki tutynýdy qamtamasyz etý úshin jetkilikti", - dedi ministr Úkimet otyrysynda.
Aýyl sharýashylyǵy ministrliginiń basshysy qant baǵasy kúrt qymbattamaitynyn aitty.
"Sondai-aq, qant baǵasy bólshek saýda jelilerindegi baǵaǵa bailanysty. Jalpy, qant baǵasy turaqty. Bizde Qazaqstanda óndiriletin qanttyń shamamen 70 paiyzy quraq qantynan óndiriledi. Qant salasyn damytý baǵdarlamasyn ázirleýdemiz. Jyl sońyna deiin baǵa kúrt qymbattamaidy", - dedi Qarashókeev.
Onyń aitýynsha, álemde quraq qantynyń baǵasy tómendese, baǵa da tómendeýi múmkin.
