فوتو:elements.envato.com
اۋىل شارۋاشىلىعى مينيسترٸ ەربول قاراشٶكەەۆ قازاقستاندا قانت باعاسى تۇراقتى ەكەنٸن ايتتى, - دەپ حابارلايدى Tengrinews.kz.
"جالپى, ەلەم بويىنشا قانت باعاسى قىمباتتادى. بٸراق بٸزدە تۇراقتى. قانت بٸر ٶڭٸرلەردە 400-دەن, كەيبٸر جەرلەردە 500 تەڭگەدەن ساتىلىپ جاتىر. بۇل قانتتىڭ جەتكٸزٸلۋٸنە, بيرجالىق باعالارعا بايلانىستى. بٸزدە 4 زاۋىت بار, ولاردى شيكٸزاتپەن تولىق قامتاماسىز ەتتٸك. مامىردا شامامەن 32-35 مىڭ توننا, ماۋسىمدا شامامەن 40-45 مىڭ توننا ٶندٸرٸس بولادى دەپ كٷتەمٸز. ٶندٸرٸلگەن كٶلەمدەر ٸشكٸ تۇتىنۋدى قامتاماسىز ەتۋ ٷشٸن جەتكٸلٸكتٸ", - دەدٸ مينيستر ٷكٸمەت وتىرىسىندا.
اۋىل شارۋاشىلىعى مينيسترلٸگٸنٸڭ باسشىسى قانت باعاسى كٷرت قىمباتتامايتىنىن ايتتى.
"سونداي-اق, قانت باعاسى بٶلشەك ساۋدا جەلٸلەرٸندەگٸ باعاعا بايلانىستى. جالپى, قانت باعاسى تۇراقتى. بٸزدە قازاقستاندا ٶندٸرٸلەتٸن قانتتىڭ شامامەن 70 پايىزى قۇراق قانتىنان ٶندٸرٸلەدٸ. قانت سالاسىن دامىتۋ باعدارلاماسىن ەزٸرلەۋدەمٸز. جىل سوڭىنا دەيٸن باعا كٷرت قىمباتتامايدى", - دەدٸ قاراشٶكەەۆ.
ونىڭ ايتۋىنشا, ەلەمدە قۇراق قانتىنىڭ باعاسى تٶمەندەسە, باعا دا تٶمەندەۋٸ مٷمكٸن.
