Búgin astanalyq «Barys» Qurlyqtyq hokkei ligasyndaǵy kezekti oiynyn Reseidiń SKA (Sankt-Peterbýrg) komandasymen ótkizdi, dep habarlaidy QazAqparat.
Reseilik klýb biylǵy týrnirdi sátti ótkizip keledi. Nátijesinde týrnir kestesinde alǵashqy bestikte tur. Al «Barys» ázirge mundai kórsetkishke qol jetkize almai júr.
Dese de, biyl qazaqstandyq klýb elordada ótken birinshi kezdesýinde atalǵan qarsylasyn 3:0 esebimen súrindirdi.
Búgin de «Barys» alǵashqy sátten tizgindi qolyna alýǵa tyrysqan edi. Birinshi kezeńde olardyń qatarynan Kirill Savitskii 5-minýtta mergendik tanytty.
Ekinshi kezeńde bes shaiba soǵyldy. Onyń úsheýinde SKA klýbynyń mereii ústem bolsa, ekeýinde «Barys» múlt ketken joq. Reseilik komandadan Valentin Zykov - 21, Anton Býrdasov - 28, Emil Galimov 34-minýtta qanjyǵasyn mailasa, oǵan Nikita Mihailis - 26, Roman Starchenko 38-minýtta qos shaibamen jaýap qaiyrdy.
Negizgi kezeń 3:3 esebimen teń aiaqtalyp, oiyn overtaimǵa ulasty. Overtaimda jeńimpaz anyqtalǵan joq. Býllitte «Barystyń» joly bolyp, qarsylasyn qapy qaldyryp ketti.
