بٷگٸن استانالىق «بارىس» قۇرلىقتىق حوككەي ليگاسىنداعى كەزەكتٸ ويىنىن رەسەيدٸڭ سكا (سانكت-پەتەربۋرگ) كومانداسىمەن ٶتكٸزدٸ, دەپ حابارلايدى قازاقپارات.
رەسەيلٸك كلۋب بيىلعى تۋرنيردٸ سەتتٸ ٶتكٸزٸپ كەلەدٸ. نەتيجەسٸندە تۋرنير كەستەسٸندە العاشقى بەستٸكتە تۇر. ال «بارىس» ەزٸرگە مۇنداي كٶرسەتكٸشكە قول جەتكٸزە الماي جٷر.
دەسە دە, بيىل قازاقستاندىق كلۋب ەلوردادا ٶتكەن بٸرٸنشٸ كەزدەسۋٸندە اتالعان قارسىلاسىن 3:0 ەسەبٸمەن سٷرٸندٸردٸ.
بٷگٸن دە «بارىس» العاشقى سەتتەن تٸزگٸندٸ قولىنا الۋعا تىرىسقان ەدٸ. بٸرٸنشٸ كەزەڭدە ولاردىڭ قاتارىنان كيريلل ساۆيتسكيي 5-مينۋتتا مەرگەندٸك تانىتتى.
ەكٸنشٸ كەزەڭدە بەس شايبا سوعىلدى. ونىڭ ٷشەۋٸندە سكا كلۋبىنىڭ مەرەيٸ ٷستەم بولسا, ەكەۋٸندە «بارىس» مٷلت كەتكەن جوق. رەسەيلٸك كوماندادان ۆالەنتين زىكوۆ - 21, انتون بۋرداسوۆ - 28, ەميل گاليموۆ 34-مينۋتتا قانجىعاسىن مايلاسا, وعان نيكيتا ميحايليس - 26, رومان ستارچەنكو 38-مينۋتتا قوس شايبامەن جاۋاپ قايىردى.
نەگٸزگٸ كەزەڭ 3:3 ەسەبٸمەن تەڭ اياقتالىپ, ويىن وۆەرتايمعا ۇلاستى. وۆەرتايمدا جەڭٸمپاز انىقتالعان جوق. بۋلليتتە «بارىستىڭ» جولى بولىپ, قارسىلاسىن قاپى قالدىرىپ كەتتٸ.
