Búgin astanalyq «Barys» Qurlyqtyq hokkei ligasyndaǵy kezekti oiynyn elordada Reseidiń «Lokomotiv» (Iaroslavl) komandasyna qarsy ótkizdi, dep habarlaidy QazAqparat.
Kezdesý barysynda eki komanda tartysty oiyn ótkizdi. Esepti birinshi bolyp reseilik hokkeishiler ashty.
Oiynnyń 15-minýtynda Artiom Anisimov esep ashsa, 27-minýtta Maksim Shalýnov esepti ústemelei tústi.
Budan keiin «Barys» hokkeishileri alǵa qarai umtyldy. Degenmen ekinshi kezeńde tablodaǵy esep ózgerissiz qaldy.
Úshinshi kezeńde qazaqstandyq komanda gol soǵý múmkindigin izdedi. Nátijesinde 43-minýtta Iakýb Lilia kózdegen nysanadan múlt ketken joq. Qazaqstandyq hokkeishiler endigi kezekte tarazy basyn teńestirýge kúsh saldy. Alaida óziniń qaqpasyna qatarynan eki gol jiberip aldy. Bul goldar 54-minýtta Aleksei Marchenkonyń, 57-minýtta Pavel Kýdriavtsevtiń enshisine jazyldy.
Aita ketsek, elordalyq klýb úshin «Lokomotiv» - qolaisyz qarsylastyń biri. Eki komanda búginge deiin 24 márte kezdesken.
Onyń 8-inde qazaqstandyq hokkeishiler jeńiske jetse, qalǵanynda qarsylas klýbtyń mereii ústem boldy.
Eske salsaq, budan buryn «Barys» belarýstik «Dinamoǵa» ese jiberdi.
Endi «Barys» kelesi oiynyn 24 qazanda Reseidiń «Severstal» (Cherepovets) komandasyna qarsy ótkizedi.
