Burnaǵy zamanda adamdar ańshylyqqa ashtyqtan, muqtajdyqtan shyǵatyn. Qazirgi kezde toqtyqtan, erikkendikten, zerikkendikten shyǵatyn boldy. Buryn ańshylyq kedei-kepshiktiń tirligi edi. Búginde meimanasy tasyǵan, enin ýqalaýdyń ózi qyzyq bolmai qalǵan erikken sarttardyń ermegi boldy. Burynǵynyń mergenderi bir ózi bir eldi asyraǵan. Sóite tura ańnyń kielisin atpaǵan. Búgingiler ańyńdy uryp qoiypty, adam ata bastady...
Adamnyń kózine et ósedi. Ony sylyp tastaýdyń arnaiy, naqty baǵasy bar. Adamnyń kózin shel basady. Onyń ashylýynyń quny naqtylanbaǵan...
Myltyqty qoldanýdaǵy basty maqsat - otanyńdy jaýdan qorǵaý edi. Búginde otandasyńdy atatyn qarýǵa ainaldy.
Saiyn dalada eki adam kezikti. Onyń biri tabiǵatty qorǵaý úshin amalsyzdan bala-shaǵasynan jyraq ketip, tún qatyp, tús qashyp júrse, ekinshisi erikkennen, zerikkennen ermek qýyp kelip edi. Ekeýi de myltyq kezendi. Birinshisi tabiǵatty qorǵaý úshin, ekinshisi óziniń qara basyn qorǵaý úshin. Taǵdyr degenińizdiń de keide óstip tarylmaityn jerde tarylatyny bar. Tabiǵatty qorǵamaq bolǵan izgi niettiniń myltyǵy atylmai, qara niettiniń oǵy dál tidi.
Birinshisin Alla aldynan jarylqasyn. Myna zamanda qurbandyqqa bara alatyn adamdardyń bar ekenin dáleldep bere alǵan aǵamyzdyń jany jánnátta bolǵai.
Beibit Sarybaidyń feisbýktaǵy jazbasynan
