بۇرناعى زاماندا ادامدار اڭشىلىققا اشتىقتان, مۇقتاجدىقتان شىعاتىن. قازٸرگٸ كەزدە توقتىقتان, ەرٸككەندٸكتەن, زەرٸككەندٸكتەن شىعاتىن بولدى. بۇرىن اڭشىلىق كەدەي-كەپشٸكتٸڭ تٸرلٸگٸ ەدٸ. بٷگٸندە مەيماناسى تاسىعان, ەنٸن ۋقالاۋدىڭ ٶزٸ قىزىق بولماي قالعان ەرٸككەن سارتتاردىڭ ەرمەگٸ بولدى. بۇرىنعىنىڭ مەرگەندەرٸ بٸر ٶزٸ بٸر ەلدٸ اسىراعان. سٶيتە تۇرا اڭنىڭ كيەلٸسٸن اتپاعان. بٷگٸنگٸلەر اڭىڭدى ۇرىپ قويىپتى, ادام اتا باستادى...
ادامنىڭ كٶزٸنە ەت ٶسەدٸ. ونى سىلىپ تاستاۋدىڭ ارنايى, ناقتى باعاسى بار. ادامنىڭ كٶزٸن شەل باسادى. ونىڭ اشىلۋىنىڭ قۇنى ناقتىلانباعان...
مىلتىقتى قولدانۋداعى باستى ماقسات - وتانىڭدى جاۋدان قورعاۋ ەدٸ. بٷگٸندە وتانداسىڭدى اتاتىن قارۋعا اينالدى.
سايىن دالادا ەكٸ ادام كەزٸكتٸ. ونىڭ بٸرٸ تابيعاتتى قورعاۋ ٷشٸن امالسىزدان بالا-شاعاسىنان جىراق كەتٸپ, تٷن قاتىپ, تٷس قاشىپ جٷرسە, ەكٸنشٸسٸ ەرٸككەننەن, زەرٸككەننەن ەرمەك قۋىپ كەلٸپ ەدٸ. ەكەۋٸ دە مىلتىق كەزەندٸ. بٸرٸنشٸسٸ تابيعاتتى قورعاۋ ٷشٸن, ەكٸنشٸسٸ ٶزٸنٸڭ قارا باسىن قورعاۋ ٷشٸن. تاعدىر دەگەنٸڭٸزدٸڭ دە كەيدە ٶستٸپ تارىلمايتىن جەردە تارىلاتىنى بار. تابيعاتتى قورعاماق بولعان ٸزگٸ نيەتتٸنٸڭ مىلتىعى اتىلماي, قارا نيەتتٸنٸڭ وعى دەل تيدٸ.
بٸرٸنشٸسٸن اللا الدىنان جارىلقاسىن. مىنا زاماندا قۇرباندىققا بارا الاتىن ادامداردىڭ بار ەكەنٸن دەلەلدەپ بەرە العان اعامىزدىڭ جانى جەننەتتا بولعاي.
بەيبٸت سارىبايدىڭ فەيسبۋكتاعى جازباسىنان
