"Qunanbai qajynyń jienine japqan shapany men er turmany Qytaidyń Altai qalasyndaǵy tarihi murajaida saqtaýly tur. Bul týraly bizge belgili tarihshy ǵalym, tarih ǵylymdarynyń doktory Ahmet Toqtabai aitty", - dep habarlaidy Ult.kz tilshisi 24.kz arnasyna silteme jasap.
Tarihqa úńiler bolsaq, Qunanbai óziniń aiaýly qaryndasy Aibalany Zaisan óńirindegi 5 myń jylqy bitken Óteý baiǵa uzatqan. Sol Óteýdiń balalary naǵashylap Qunanbai aýylyna barǵanda olarǵa at mingizilip, shapan jabylady. Erekshe bezendirilgen, sándi er turman syiǵa tartylady. Bul buiymdardy urpaqtary erekshe qasterlep, bertinge deiin saqtap kelgen. Qazir Óteý urpaqtary Qytaidyń Tarbaǵatai, Altai, Ile aimaqtarynda turyp jatyr. Barlyǵy 60 úiden asypty.
Ahmet Toqtabai, Tarih ǵylymdarynyń doktory:
- 1929jyly aýmaly-tókpeli zamanda Óteý urpaqtary Qytaiǵa ótken. Sonda álgi er turman men shapandy ózderimen birge ala ketipti. Óte qasterlep ustap, urpaqtan-urpaqqa mura qylyp qaldyryp otyrǵan. Alaida Qytaida 1966jylǵy «mádeni tóńkeris» bulardy da sharpyp ótipti. Qyzyl belsendiler er turmandy qolǵa túsirip, órtep jibergen. Óitkeni er turman altynmen aptalyp, kúmispen kómkerilgen áshekeige toly saltanatty buiym edi. Bai feodaldyń zattary joiylsyn degen jeleýmen otqa jaqqan. Erdiń tek qańqasy qalǵanda, «mine, endi taza kedeidiki, proletariattyki boldy» dep urpaqtaryna qaitaryp beripti. Óskenbaidyń jiensharlary, Óteý baidyń urpaqtary 2012jyly er turman men shapandy Altai qalasyndaǵy tarihi murajaiǵa ótkizgen. Shapan óte jaqsy saqtalǵan. Jasyl tústi, birneshe qabat bolyp tigilgen.
