Qazaqstan Respýblikasy Ulttyq qaýipsizdik komiteti Almatyda apatqa ushyraǵan ushaqtyń qara jáshigindegi derekter tekserilip jatqandyǵyn málim etti, dep habarlaidy "Ult aqparat".
«QR Úkimeti apatty anyqtaý úshin Ulttyq qaýipsizdik komiteti, Qorǵanys jáne Ishki ister ministrlikteriniń ókilderinen saraptamalyq komissiia qurdy. Qazirgi kezde komissiia músheleri áýe kemesi qulaǵan jerde. Borttaǵy qara jáshiktegi derekterdi anyqtaý boiynsha jumys júrgizilýde, onyń nátijeleri jaqyn arada jariialanady», - delingen QR UQK baspasóz habarlamasynda.
Qaza tapqandardyń týystary jáne jaqyndarymen psihologtar jumys isteýde, sondai-aq meditsinalyq kómek kórsetýge Almaty qalasyndaǵy UQK aýrýhanasynyń mamandary qatysýda.
«E.Vasilkovtyń ata-anasynyń Petropavldan Almatyǵa ushýy úshin arnaiy bort uiymdastyryldy. Ulttyq qaýipsizdik komiteti qaza tapqandar men zardap shekkenderdiń otbasylaryna, sonyń ishinde ǵuryptyq is-sharalardy uiymdastyrýǵa qajetti materialdyq jáne basqa da kómek kórsetý boiynsha jumys júrgizýde», - delingen delingen QR UQK baspasóz habarlamasynda.
Eske sala ketsek, Almaty áýejaiy mańynda áskeri ushaq apatqa ushyrap, 4 adam qaza tapty.
Memleket basshysy áýe apatynyń sebepterin anyqtaýdy tapsyrǵan bolatyn.
