Aqtóbede týysymen ishimdik iship otyrǵan politsiia qyzmetkeri kúieý balasyna qyzmettik tapanshasynan tórt ret oq atqan. Sot ony 10 jylǵa bas bostandyǵynan aiyrdy, dep habarlaidy ult.kz.
Oqiǵa 28 naýryzda bolǵan. Hromtaý aýdandyq politsiia bóliminiń aǵa leitenanty kezekshilikke shyǵýǵa tiis bolǵan. Sol kúni týystarymen birge ishimdik iship otyrǵan kezde kúieý balasynyń qaryndasyn urǵanyn estip, ashýǵa býlyqqan.
Sot málimetinshe, politsei qyzmettik qarýyn alyp, jábirlenýshige tórt ret oq atqan. Saldarynan onyń densaýlyǵyna aýyr ziian kelgen.
Sottalýshy kinásin ishinara moiyndady. Sot úkimimen oǵan 10 jylǵa bas bostandyǵynan aiyrý jazasy taǵaiyndaldy.
