Qazaqstandyq faiter Qýat "Naiman" Hamitov reseilik Fight Night Global uiymynyń chempiondyq belbeýi úshin jekpe-jekte ázerbaijandyq Nariman Abbasovtan jeńilip qaldy.
Máskeý túbindegi Mytishi qalasynda ótken FNG93 týrnirinde sportshylar bes raýnd boiy kúsh synasty. Nátijesinde tóreshiler jeńisti Nariman Abbasovqa berdi - 48:47, 47:47 jáne 48:47, dep habarlaidy Prosports.kz saity.
Aita keteiik, Hamitov oktagonǵa shyqpas buryn bir upaiynan aiyrylǵan edi, sebebi ol óz kategoriiasynyń salmaǵynan aýyrlaý bolyp shyqty.
Jekpe-jekten keiin Hamitov tóreshiler sheshimimen kelispeitinin jáne apelliatsiiaǵa beretinin aitty.
"Men upai sanymen jeńiske jettim dep oiladym, biraq tóreshiler árdaiym bárin basqasha kóredi. Onyń bir jerde basymdyqqa ie bolǵanyn kórmedim. Negizinen barlyq raýndtar teń boldy, biraq eki raýndta men aiqyn jeńgenime senimdimin. Tóreshiler sheshimdi qaita qaraýy kerek", - dedi ol.
Bul Qýat Hamitovtyń 2017 jyldyń qarashasynan beri alǵashqy jekpe-jegi.
"Naimannyń" endigi statistikasy mynadai: 19 jeńis, 1 teń jáne 7 jeńilis.
