قازاقستاندىق فايتەر قۋات "نايمان" حاميتوۆ رەسەيلٸك Fight Night Global ۇيىمىنىڭ چەمپيوندىق بەلبەۋٸ ٷشٸن جەكپە-جەكتە ەزەربايجاندىق ناريمان ابباسوۆتان جەڭٸلٸپ قالدى.
مەسكەۋ تٷبٸندەگٸ مىتيششي قالاسىندا ٶتكەن FNG93 تۋرنيرٸندە سپورتشىلار بەس راۋند بويى كٷش سىناستى. نەتيجەسٸندە تٶرەشٸلەر جەڭٸستٸ ناريمان ابباسوۆقا بەردٸ - 48:47, 47:47 جەنە 48:47, دەپ حابارلايدى Prosports.kz سايتى.
ايتا كەتەيٸك, حاميتوۆ وكتاگونعا شىقپاس بۇرىن بٸر ۇپايىنان ايىرىلعان ەدٸ, سەبەبٸ ول ٶز كاتەگوريياسىنىڭ سالماعىنان اۋىرلاۋ بولىپ شىقتى.
جەكپە-جەكتەن كەيٸن حاميتوۆ تٶرەشٸلەر شەشٸمٸمەن كەلٸسپەيتٸنٸن جەنە اپەللياتسيياعا بەرەتٸنٸن ايتتى.
"مەن ۇپاي سانىمەن جەڭٸسكە جەتتٸم دەپ ويلادىم, بٸراق تٶرەشٸلەر ەردايىم بەرٸن باسقاشا كٶرەدٸ. ونىڭ بٸر جەردە باسىمدىققا يە بولعانىن كٶرمەدٸم. نەگٸزٸنەن بارلىق راۋندتار تەڭ بولدى, بٸراق ەكٸ راۋندتا مەن ايقىن جەڭگەنٸمە سەنٸمدٸمٸن. تٶرەشٸلەر شەشٸمدٸ قايتا قاراۋى كەرەك", - دەدٸ ول.
بۇل قۋات حاميتوۆتىڭ 2017 جىلدىڭ قاراشاسىنان بەرٸ العاشقى جەكپە-جەگٸ.
"نايماننىڭ" ەندٸگٸ ستاتيستيكاسى مىناداي: 19 جەڭٸس, 1 تەڭ جەنە 7 جەڭٸلٸس.
