Burynǵy ulttyq ekonomika ministri Qýandyq Bishimbaevqa qatysty sot úkimi shyqty, - dep habarlaidy "Ult aqparat" Tengrinews.kz agenttigine silteme jasap.
Sýdia Ádilhan Shaihislamov eks-ministrdi 10 jylǵa bas bostandyǵynan aiyrý týraly úkim shyǵardy.
Qýandyq Bishimbaev QR Qylmystyq kodeksiniń 28-babynyń 3-bóligi ("Qylmystyq quqyq buzýshylyqqa sybailas qatysýshylardyń túrleri"), 189-babynyń 4-bóligi 2-tarmaǵy ("Senip tapsyrylǵan bóten múlikti iemdenip alý nemese talan-tarajǵa salý") jáne 366-baptyń 4-bóligi ("Para alý") boiynsha aiyptalǵan bolǵan.
"10 jylǵa bas bostandyǵynan jáne ómir boiyna memlekettik qyzmetterde basshylyq laýazymdarda jumys isteý quqyǵynan aiyrylsyn. Jazasyn maksimaldy qaýipsiz mekemede ótesin, sondai-aq, múlki tárkilensin", - dep oqydy úkimdi sýdia Ádilhan Shaihislamov.
Munymen qosa, sýdia Qýandyq Bishimbaevty memlekettik syilyq - "Qurmet" ordeninen aiyrý týraly sheshim shyǵardy.
Sonymen qatar, sot Qýandyq Bishimbaevtyń baýyry Sultan Nurlybekti de para alǵany úshin aiypty dep tanyp, 7 jylǵa bas bostandyǵynan aiyrdy jáne múlkin tárkileý týraly úkim shyǵardy.
Osyǵan deiin ótken sot otyrystarynyń birinde eks-ministr 2 million dollar para aldy degen aiyptaýǵa jaýap bergen bolatyn. "Para alý boiynsha aiyptaýdyń maǵan qarsy ekenin aitqym keledi. Bul aiyptaý Isabektiń, Aitalievtiń, Bekjanovtyń kýáligine negizdelgen. Tergeý kezeńi boiynda menen de, jubaiymnan da, tipti basqa bireýden de bul para tabylmady. Aiyptaýshy 2015 jyldyń 22 sáýirinde meiramhanada Toqtarovpen, Aitalievpen jáne Isabekovpen kezdesýimde para alýǵa kelisim jasaldy dep esepteidi. Bul shyndyqqa janaspaidy", - degen edi Qýandyq Bishimbaev.
Keiinirek naýryz aiynyń basynda ótken otyrysta osy istegi figýrant Baýyrjan Aitymbetov málimdeme jasaǵan bolatyn. "Adam ár iste sońyna deiin shyndyqty aitýy kerek. "Men májbúr boldym" deýdiń ornyna shyndyqty aitý kerek. Bul barlyǵyna qatysty. Alynǵan paranyń barlyǵy qaita qalpyna keltirildi. Men alǵan paranyń barlyǵy tolyqtai tárkilendi. Iá, men para aldym, para berdim, men - jemqormyn. Mine, osy shyndyq", - dep málimdegen edi Baýyrjan Aitymbetov.
Sodan keiin sot otyrysy barysynda Qýandyq Bishimbaevtiń anasy da málimdeme jasaǵan edi.
"Sýdia myrza, ana retinde ǵana emes, Qazaqstan azamaty retinde de aitqym keletini, barynsha obektiv bolýdy suraimyn. Bulai siz jalǵyz ulymnyń ǵana emes, búkil otbasynyń, eń bastysy kámeletke tolmaǵan tórt balanyń taǵdyryn sheshesiz. Qýandyq Bishimbaevtyń anasy retinde ulymnyń bul qylmysty jasamaǵanyn málimdeimin. Sotty meniń ulymdy aqtaýyn ótinemin", - degen edi Almira Nurlybekova.
Munymen qosa, eks-ministrdiń áieli de sotta sóz sóilegen bolatyn.
Eske sala keteiik, 2016 jyldyń 30 jeltoqsanynda ulttyq ekonomika eks-ministri Qýandyq Bishimbaevqa qatysty tergeý sharalary júrip jatqany belgili bolǵan edi. QR SIM basshylyq quramymen kezdesýinde Nursultan Nazarbaev Qýandyq Bishimbaevtyń qyzmetten bosatylǵanyn málimdegen bolatyn.
"Bishimbaev top bolyp, aldyn ala kelisim jasaý arqyly asa iri kólemde birneshe ret para alyp otyrǵan. Zańsyz alǵan qarajatty Bishimbaev óz qajetine jaratqan", - dep habarlaǵan edi Antikorrýptsiia qyzmetiniń ókilderi.
Aita keteiik, eks-ministr 37 jasta. Ol 2017 jyldyń qańtarynan beri qamaýda bolǵan edi.
