بۇرىنعى ۇلتتىق ەكونوميكا مينيسترٸ قۋاندىق بيشٸمباەۆقا قاتىستى سوت ٷكٸمٸ شىقتى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
سۋديا ەدٸلحان شايحيسلاموۆ ەكس-مينيستردٸ 10 جىلعا باس بوستاندىعىنان ايىرۋ تۋرالى ٷكٸم شىعاردى.
قۋاندىق بيشٸمباەۆ قر قىلمىستىق كودەكسٸنٸڭ 28-بابىنىڭ 3-بٶلٸگٸ ("قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تٷرلەرi"), 189-بابىنىڭ 4-بٶلٸگٸ 2-تارماعى ("سەنiپ تاپسىرىلعان بٶتەن مٷلiكتi يەمدەنiپ الۋ نەمەسە تالان-تاراجعا سالۋ") جەنە 366-باپتىڭ 4-بٶلٸگٸ ("پارا الۋ") بويىنشا ايىپتالعان بولعان.
"10 جىلعا باس بوستاندىعىنان جەنە ٶمٸر بويىنا مەملەكەتتٸك قىزمەتتەردە باسشىلىق لاۋازىمداردا جۇمىس ٸستەۋ قۇقىعىنان ايىرىلسىن. جازاسىن ماكسيمالدى قاۋٸپسٸز مەكەمەدە ٶتەسٸن, سونداي-اق, مٷلكٸ تەركٸلەنسٸن", - دەپ وقىدى ٷكٸمدٸ سۋديا ەدٸلحان شايحيسلاموۆ.
مۇنىمەن قوسا, سۋديا قۋاندىق بيشٸمباەۆتى مەملەكەتتٸك سىيلىق - "قۇرمەت" وردەنٸنەن ايىرۋ تۋرالى شەشٸم شىعاردى.
سونىمەن قاتار, سوت قۋاندىق بيشٸمباەۆتىڭ باۋىرى سۇلتان نۇرلىبەكتٸ دە پارا العانى ٷشٸن ايىپتى دەپ تانىپ, 7 جىلعا باس بوستاندىعىنان ايىردى جەنە مٷلكٸن تەركٸلەۋ تۋرالى ٷكٸم شىعاردى.
وسىعان دەيٸن ٶتكەن سوت وتىرىستارىنىڭ بٸرٸندە ەكس-مينيستر 2 ميلليون دوللار پارا الدى دەگەن ايىپتاۋعا جاۋاپ بەرگەن بولاتىن. "پارا الۋ بويىنشا ايىپتاۋدىڭ ماعان قارسى ەكەنٸن ايتقىم كەلەدٸ. بۇل ايىپتاۋ يسابەكتٸڭ, ايتاليەۆتٸڭ, بەكجانوۆتىڭ كۋەلٸگٸنە نەگٸزدەلگەن. تەرگەۋ كەزەڭٸ بويىندا مەنەن دە, جۇبايىمنان دا, تٸپتٸ باسقا بٸرەۋدەن دە بۇل پارا تابىلمادى. ايىپتاۋشى 2015 جىلدىڭ 22 سەۋٸرٸندە مەيرامحانادا توقتاروۆپەن, ايتاليەۆپەن جەنە يسابەكوۆپەن كەزدەسۋٸمدە پارا الۋعا كەلٸسٸم جاسالدى دەپ ەسەپتەيدٸ. بۇل شىندىققا جاناسپايدى", - دەگەن ەدٸ قۋاندىق بيشٸمباەۆ.
كەيٸنٸرەك ناۋرىز ايىنىڭ باسىندا ٶتكەن وتىرىستا وسى ٸستەگٸ فيگۋرانت باۋىرجان ايتىمبەتوۆ مەلٸمدەمە جاساعان بولاتىن. "ادام ەر ٸستە سوڭىنا دەيٸن شىندىقتى ايتۋى كەرەك. "مەن مەجبٷر بولدىم" دەۋدٸڭ ورنىنا شىندىقتى ايتۋ كەرەك. بۇل بارلىعىنا قاتىستى. الىنعان پارانىڭ بارلىعى قايتا قالپىنا كەلتٸرٸلدٸ. مەن العان پارانىڭ بارلىعى تولىقتاي تەركٸلەندٸ. يە, مەن پارا الدىم, پارا بەردٸم, مەن - جەمقورمىن. مٸنە, وسى شىندىق", - دەپ مەلٸمدەگەن ەدٸ باۋىرجان ايتىمبەتوۆ.
سودان كەيٸن سوت وتىرىسى بارىسىندا قۋاندىق بيشٸمباەۆتٸڭ اناسى دا مەلٸمدەمە جاساعان ەدٸ.
"سۋديا مىرزا, انا رەتٸندە عانا ەمەس, قازاقستان ازاماتى رەتٸندە دە ايتقىم كەلەتٸنٸ, بارىنشا وبەكتيۆ بولۋدى سۇرايمىن. بۇلاي سٸز جالعىز ۇلىمنىڭ عانا ەمەس, بٷكٸل وتباسىنىڭ, ەڭ باستىسى كەمەلەتكە تولماعان تٶرت بالانىڭ تاعدىرىن شەشەسٸز. قۋاندىق بيشٸمباەۆتىڭ اناسى رەتٸندە ۇلىمنىڭ بۇل قىلمىستى جاساماعانىن مەلٸمدەيمٸن. سوتتى مەنٸڭ ۇلىمدى اقتاۋىن ٶتٸنەمٸن", - دەگەن ەدٸ الميرا نۇرلىبەكوۆا.
مۇنىمەن قوسا, ەكس-مينيستردٸڭ ەيەلٸ دە سوتتا سٶز سٶيلەگەن بولاتىن.
ەسكە سالا كەتەيٸك, 2016 جىلدىڭ 30 جەلتوقسانىندا ۇلتتىق ەكونوميكا ەكس-مينيسترٸ قۋاندىق بيشٸمباەۆقا قاتىستى تەرگەۋ شارالارى جٷرٸپ جاتقانى بەلگٸلٸ بولعان ەدٸ. قر سٸم باسشىلىق قۇرامىمەن كەزدەسۋٸندە نۇرسۇلتان نازارباەۆ قۋاندىق بيشٸمباەۆتىڭ قىزمەتتەن بوساتىلعانىن مەلٸمدەگەن بولاتىن.
"بيشٸمباەۆ توپ بولىپ, الدىن الا كەلٸسٸم جاساۋ ارقىلى اسا ٸرٸ كٶلەمدە بٸرنەشە رەت پارا الىپ وتىرعان. زاڭسىز العان قاراجاتتى بيشٸمباەۆ ٶز قاجەتٸنە جاراتقان", - دەپ حابارلاعان ەدٸ انتيكوررۋپتسييا قىزمەتٸنٸڭ ٶكٸلدەرٸ.
ايتا كەتەيٸك, ەكس-مينيستر 37 جاستا. ول 2017 جىلدىڭ قاڭتارىنان بەرٸ قاماۋدا بولعان ەدٸ.
