Qazaqstannyń Syrtqy ister ministri Túrkiiada jol apatynan zardap shekken qazaqstandyqtarǵa qatysty pikir bildirdi, - dep habarlaidy "Ult aqparat".
"Qazaqstannyń Antaliiadaǵy konsýly bizdiń azamattarmen árdaiym bailanysta, aýrýhanaǵa baryp turady. Jeti dos Antaliiaǵa ózderi barǵan, ókinishke qarai, saqtandyrý polisi bolmaǵan. Sondyqtan jol apatynan keiin otanyń jáne meditsinalyq qyzmetterdiń aqysy boiynsha qiyndyqtar boldy. Dese de bizdiń diplomat túrik tarapymen bes azamattyń meditsinalyq shyǵyndaryn qaza bolǵan taksi júrgizýshisiniń saqtandyrý kompaniiasyna tóletýge qol jetkizdi. Qalǵan eki azamattyń ota aqysy boiynsha máselesi qazirgi ýaqytta sheshilip jatyr", - dep málimdedi QR SIM baspasóz qyzmetiniń jetekshisi Ánýar Jainaqov.
SIM ókilderiniń málimetinshe, qazirgi ýaqytta zardap shekken qazaqstandyqtardyń jaǵdaiy turaqty. Eki adamnyń jambas býyndary synǵan, quiymshaq júikesi zaqymdalǵan, zardap shekken qyzdardyń biriniń aýyr mi jaraqaty bar, úsheýi de turyp júre almaidy.
"Qazirgi ýaqytta qazaqstandyqtardy Otanyna tasymaldaýdy uiymdastyrý máselesi sheshilip jatyr", - dep habarlady Jainaqov.
Munyń aldynda Túrkiiaǵa Qazaqstannan demalýǵa barǵan jeti dos jantúrshigerlik jol apatyna ushyraǵany belgili bolǵan edi. Jol-kólik oqiǵasynan tórt túrik azamaty qaza tapqan, al qazaqstandyqtar túrli dárejede jaraqat alyp, aýrýhanaǵa túsken.
