قازاقستاننىڭ سىرتقى ٸستەر مينيسترٸ تٷركييادا جول اپاتىنان زارداپ شەككەن قازاقستاندىقتارعا قاتىستى پٸكٸر بٸلدٸردٸ, - دەپ حابارلايدى "ۇلت اقپارات".
"قازاقستاننىڭ انتاليياداعى كونسۋلى بٸزدٸڭ ازاماتتارمەن ەردايىم بايلانىستا, اۋرۋحاناعا بارىپ تۇرادى. جەتٸ دوس انتاليياعا ٶزدەرٸ بارعان, ٶكٸنٸشكە قاراي, ساقتاندىرۋ پوليسٸ بولماعان. سوندىقتان جول اپاتىنان كەيٸن وتانىڭ جەنە مەديتسينالىق قىزمەتتەردٸڭ اقىسى بويىنشا قيىندىقتار بولدى. دەسە دە بٸزدٸڭ ديپلومات تٷرٸك تاراپىمەن بەس ازاماتتىڭ مەديتسينالىق شىعىندارىن قازا بولعان تاكسي جٷرگٸزۋشٸسٸنٸڭ ساقتاندىرۋ كومپانيياسىنا تٶلەتۋگە قول جەتكٸزدٸ. قالعان ەكٸ ازاماتتىڭ وتا اقىسى بويىنشا مەسەلەسٸ قازٸرگٸ ۋاقىتتا شەشٸلٸپ جاتىر", - دەپ مەلٸمدەدٸ قر سٸم باسپاسٶز قىزمەتٸنٸڭ جەتەكشٸسٸ ەنۋار جايناقوۆ.
سٸم ٶكٸلدەرٸنٸڭ مەلٸمەتٸنشە, قازٸرگٸ ۋاقىتتا زارداپ شەككەن قازاقستاندىقتاردىڭ جاعدايى تۇراقتى. ەكٸ ادامنىڭ جامباس بۋىندارى سىنعان, قۇيىمشاق جٷيكەسٸ زاقىمدالعان, زارداپ شەككەن قىزداردىڭ بٸرٸنٸڭ اۋىر مي جاراقاتى بار, ٷشەۋٸ دە تۇرىپ جٷرە المايدى.
"قازٸرگٸ ۋاقىتتا قازاقستاندىقتاردى وتانىنا تاسىمالداۋدى ۇيىمداستىرۋ مەسەلەسٸ شەشٸلٸپ جاتىر", - دەپ حابارلادى جايناقوۆ.
مۇنىڭ الدىندا تٷركيياعا قازاقستاننان دەمالۋعا بارعان جەتٸ دوس جانتٷرشٸگەرلٸك جول اپاتىنا ۇشىراعانى بەلگٸلٸ بولعان ەدٸ. جول-كٶلٸك وقيعاسىنان تٶرت تٷرٸك ازاماتى قازا تاپقان, ال قازاقستاندىقتار تٷرلٸ دەرەجەدە جاراقات الىپ, اۋرۋحاناعا تٷسكەن.
