QR Syrtqy ister ministrligi «Borat-2» filminiń shyǵýyna bailanysty Qazaqstan azamattarynyń ótinishterine túsinikte berdi, dep habarlaidy "Ult aqparat" SIM silteme jasap.
«Borat-2 filmi - kommertsiialyq joba. Film avtorlary QR biliginiń resmi narazylyǵyn arandatyp, óz filmine jaqsy jarnama jasamaq.
Arandatýshylyq maqsatta Qazaqstan halqy da, onyń memlekettik rámizderi de mazaqqa salynýda. Narazylyq nota joldaý maǵynasyz, óitkeni onyń adresaty joq.
Neǵurlym dúrliktire bersek, soǵurlym film avtorlary paida tabady. Úlken paida tabý avtorlardy filmdi jalǵastyrýǵa itermeleidi.
Negizinde, filmde násilshildik pen ksenofobiianyń aiqyn formasy bar. Bizdiń azamattarymyz ashyq násilshil shabýyldarǵa ádil narazy», - delingen habarlamada.
