قر سىرتقى ٸستەر مينيسترلٸگٸ «بورات-2» فيلمٸنٸڭ شىعۋىنا بايلانىستى قازاقستان ازاماتتارىنىڭ ٶتٸنٸشتەرٸنە تٷسٸنٸكتە بەردٸ, دەپ حابارلايدى "ۇلت اقپارات" سٸم سٸلتەمە جاساپ.
«بورات-2 فيلمٸ - كوممەرتسييالىق جوبا. فيلم اۆتورلارى قر بيلٸگٸنٸڭ رەسمي نارازىلىعىن ارانداتىپ, ٶز فيلمٸنە جاقسى جارناما جاساماق.
ارانداتۋشىلىق ماقساتتا قازاقستان حالقى دا, ونىڭ مەملەكەتتٸك رەمٸزدەرٸ دە مازاققا سالىنۋدا. نارازىلىق نوتا جولداۋ ماعىناسىز, ٶيتكەنٸ ونىڭ ادرەساتى جوق.
نەعۇرلىم دٷرلٸكتٸرە بەرسەك, سوعۇرلىم فيلم اۆتورلارى پايدا تابادى. ٷلكەن پايدا تابۋ اۆتورلاردى فيلمدٸ جالعاستىرۋعا يتەرمەلەيدٸ.
نەگٸزٸندە, فيلمدە نەسٸلشٸلدٸك پەن كسەنوفوبييانىڭ ايقىن فورماسى بار. بٸزدٸڭ ازاماتتارىمىز اشىق نەسٸلشٸل شابۋىلدارعا ەدٸل نارازى», - دەلٸنگەن حابارلامادا.
