استانادا بالالارىنا بالاباقشادان ورىن ٸزدەگەن توعىز اتا-انانى الداپ, 590 مىڭ تەڭگە العان تۇرعىن 4 جىلعا باس بوستاندىعىنان ايىرىلدى, دەپ حابارلايدى ult.kz.
قالالىق پروكۋراتۋرا مەلٸمەتٸنشە, سوتتالعان ازامات سەگٸز اي بويى 2GIS قوسىمشاسى ارقىلى بالاباقشا ٸزدەگەن اتا-انالاردى تاۋىپ, تانىستارى ارقىلى ورىن الىپ بەرۋگە ۋەدە ەتكەن. الايدا ونىڭ ۋەدەسٸنە سەنٸپ, اقشا اۋدارعان توعىز تۇرعىن الدانىپ قالعان.
سوت جەبٸرلەنۋشٸلەردٸڭ ازاماتتىق تالاپتارىن قاناعاتتاندىردى.
پروكۋراتۋرا اتا-انالاردى بالاباقشادان ورىن الۋ ٷشٸن تەك رەسمي پورتالدار مەن ۋەكٸلەتتٸ مەملەكەتتٸك ورگاندارعا جٷگٸنۋگە شاقىردى.
