QR syrtqy ister ministrligindegiler Belarýs Respýblikasyndaǵy QR elshiliginiń burynǵy aǵa esepshisiniń ustalýyna qatysty túsinik berdi, - dep habarlaidy "Ult aqparat" QR SIM baspasóz qyzmetine silteme jasap.
Vedomstvodaǵylar 2012 jyldyń qarasha aiynan 2016 jyldyń qańtar aiyna deiingi ýaqyt aralyǵynda Seidýáliev Qazaqstannyń Belarýs Respýblikasyndaǵy elshiliginiń aǵa esepshisi bolyp qyzmet etkenin rastady.
"QR elshiliginiń jańa ǵimaratynyń qurylysy aiaqtalǵan soń jáne sol qurylystyń 2015 jyldyń jeltoqsan aiynda Qabyldaý komissiiasynan ótkennen keiin atqarylǵan jumystarǵa qatysty esepte jetispeýshilik anyqtaldy. Osyǵan bailanysty QR elshisi E.Bólegenov QR SIM basshylyǵyna osy jaily habarlap, QR SIM ishki aýdit qyzmetiniń qarjy-sharýashylyq qyzmetine keshendi baqylaý ótkizetin boldy (2016 jyldyń qańtar-aqpan ailaryna). Keshendi baqylaýdan soń is materialdary QR Bas prokýratýrasyna jiberildi", - dedi vedomstvo ókilderi.
Keiinirek 2016 jyldyń mamyr aiynda Respýblikalyq biýdjettiń atqarylýyn baqylaý jónindegi esep komiteti men QR qarjy ministrliginiń ótkizgen tekserýlerinen keiin QR elshiliginiń bas esepshisi Seidýálievtiń osyǵan deiingi zańbuzýshylyqtary anyqtalyp, materialdar Sybailas jemqorlyqqa qarsy is-qimyl ulttyq biýrosyna jiberildi.
"Al elshiliktiń ákimshilik ǵimaratyn salý jaily jáne osyǵan qatysty barlyq másele jaily aitatyn bolsaq, QR elshiligi men bas merdiger "AktivBiznesPliýs" jumystaryn tolyqtai oryndaǵan. Buǵan qurylysy aiaqtalǵan ǵimarattyń 2015 jyldyń 25 jeltoqsanynda paidalanýǵa berýge qabyldaý jaily arnaiy komissiiasynyń aktisi dálel bola alady", - dedi QR SIM baspasóz qyzmetindegiler.
Aita keteiik, QR elshiliginiń jańa ákimshilik ǵimaraty 2016 jyldyń 1 aqpanynda paidalanýǵa berilgen bolatyn. Belarýstegi QR SIM men QR elshiligi Qazaqstannyń quqyq qorǵaý organdaryna tergeý jumystaryna júrgizý úshin barynsha kómek kórsetip jatyr.
Eske sala keteiik, keshe Belarýste QR elshiliginiń esepshisi ustalǵan bolatyn. Ulttyq biýro málimetinshe, Seidýaliev 2012-2015 jyldar aralyǵynda 207 000 dollar kóleminde biýdjet qarajatyn jymqyrǵan. Ol "Aktivbiznespliýs" ǵimaratyn salǵan bas merdigerge aqshalar tóldendi degen kassalyq orderlerdiń shyǵynyna qatysty qujattardy jalǵan daiyndaǵan.
.jpeg)