قر سىرتقى ٸستەر مينيسترلٸگٸندەگٸلەر بەلارۋس رەسپۋبليكاسىنداعى قر ەلشٸلٸگٸنٸڭ بۇرىنعى اعا ەسەپشٸسٸنٸڭ ۇستالۋىنا قاتىستى تٷسٸنٸك بەردٸ, - دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
ۆەدومستۆوداعىلار 2012 جىلدىڭ قاراشا ايىنان 2016 جىلدىڭ قاڭتار ايىنا دەيٸنگٸ ۋاقىت ارالىعىندا سەيدۋەليەۆ قازاقستاننىڭ بەلارۋس رەسپۋبليكاسىنداعى ەلشٸلٸگٸنٸڭ اعا ەسەپشٸسٸ بولىپ قىزمەت ەتكەنٸن راستادى.
"قر ەلشٸلٸگٸنٸڭ جاڭا عيماراتىنىڭ قۇرىلىسى اياقتالعان سوڭ جەنە سول قۇرىلىستىڭ 2015 جىلدىڭ جەلتوقسان ايىندا قابىلداۋ كوميسسيياسىنان ٶتكەننەن كەيٸن اتقارىلعان جۇمىستارعا قاتىستى ەسەپتە جەتٸسپەۋشٸلٸك انىقتالدى. وسىعان بايلانىستى قر ەلشٸسٸ ە.بٶلەگەنوۆ قر سٸم باسشىلىعىنا وسى جايلى حابارلاپ, قر سٸم ٸشكٸ اۋديت قىزمەتٸنٸڭ قارجى-شارۋاشىلىق قىزمەتٸنە كەشەندٸ باقىلاۋ ٶتكٸزەتٸن بولدى (2016 جىلدىڭ قاڭتار-اقپان ايلارىنا). كەشەندٸ باقىلاۋدان سوڭ ٸس ماتەريالدارى قر باس پروكۋراتۋراسىنا جٸبەرٸلدٸ", - دەدٸ ۆەدومستۆو ٶكٸلدەرٸ.
كەيٸنٸرەك 2016 جىلدىڭ مامىر ايىندا رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸ مەن قر قارجى مينيسترلٸگٸنٸڭ ٶتكٸزگەن تەكسەرۋلەرٸنەن كەيٸن قر ەلشٸلٸگٸنٸڭ باس ەسەپشٸسٸ سەيدۋەليەۆتٸڭ وسىعان دەيٸنگٸ زاڭبۇزۋشىلىقتارى انىقتالىپ, ماتەريالدار سىبايلاس جەمقورلىققا قارسى ٸس-قيمىل ۇلتتىق بيۋروسىنا جٸبەرٸلدٸ.
"ال ەلشٸلٸكتٸڭ ەكٸمشٸلٸك عيماراتىن سالۋ جايلى جەنە وسىعان قاتىستى بارلىق مەسەلە جايلى ايتاتىن بولساق, قر ەلشٸلٸگٸ مەن باس مەردٸگەر "اكتيۆبيزنەسپليۋس" جۇمىستارىن تولىقتاي ورىنداعان. بۇعان قۇرىلىسى اياقتالعان عيماراتتىڭ 2015 جىلدىڭ 25 جەلتوقسانىندا پايدالانۋعا بەرۋگە قابىلداۋ جايلى ارنايى كوميسسيياسىنىڭ اكتٸسٸ دەلەل بولا الادى", - دەدٸ قر سٸم باسپاسٶز قىزمەتٸندەگٸلەر.
ايتا كەتەيٸك, قر ەلشٸلٸگٸنٸڭ جاڭا ەكٸمشٸلٸك عيماراتى 2016 جىلدىڭ 1 اقپانىندا پايدالانۋعا بەرٸلگەن بولاتىن. بەلارۋستەگٸ قر سٸم مەن قر ەلشٸلٸگٸ قازاقستاننىڭ قۇقىق قورعاۋ ورگاندارىنا تەرگەۋ جۇمىستارىنا جٷرگٸزۋ ٷشٸن بارىنشا كٶمەك كٶرسەتٸپ جاتىر.
ەسكە سالا كەتەيٸك, كەشە بەلارۋستە قر ەلشٸلٸگٸنٸڭ ەسەپشٸسٸ ۇستالعان بولاتىن. ۇلتتىق بيۋرو مەلٸمەتٸنشە, سەيدۋاليەۆ 2012-2015 جىلدار ارالىعىندا 207 000 دوللار كٶلەمٸندە بيۋدجەت قاراجاتىن جىمقىرعان. ول "اكتيۆبيزنەسپليۋس" عيماراتىن سالعان باس مەردٸگەرگە اقشالار تٶلدەندٸ دەگەن كاسسالىق وردەرلەردٸڭ شىعىنىنا قاتىستى قۇجاتتاردى جالعان دايىنداعان.
.jpeg)